Նավթի համաշխարհային գներն աճել են անկումին հաջորդած սրբագրումից հետո

Նավթի համաշխարհային գները նոյեմբերի 8-ին կայացած առքուվաճառքից հետո աճել են սրբագրման շրջանակներում այն բանից հետո, երբ նախօրեին ԱՄՆ–ում կայացած նախագահական ընտրությունների և եվրագոտու տնտեսության մտահոգությունների արդյունքում դրանք կտրուկ նվազեցին, վկայում են առքուվաճառքի տվյալները, հաղորդում է «ՌԻԱ Նովոստին»։

Նյու Յորքի ապրանքային բորսայում WTI տեսակի թեթև նավթի դեկտեմբերյան ֆյուչերսների գինն առքուվաճառքի ավարտին աճել է 0,65 դոլարով' մեկ բարելի դիմաց կազմելով 85,09 դոլար։

IСE (InterContinental Exchange Futures) լոնդոնյան բորսայում Brent Crude Oil տեսակի հյուսիսծովյան նավթախառնուրդի գինն աճել է 0,51 դոլարով' մեկ բարելի դիմաց կազմելով 107,33 դոլար։

Նախօրեին առքուվաճառքի մասնակիցները բուռն արձագանքեցին ԱՄՆ նախագահական ընտրությունների արդյունքներին և Եվրախորհրդարանի կանխատեսումներին եվրագոտու ՀՆԱ-ի վերաբերյալ' նավթի գինը նվազեց 3,8-4,8%-ով։

Աղբյուրը՝ arka.am

Լուսանկարը՝ arka.am