• Armenianeconomy.com

ԱՆԻՖ-ը և «Մասդար»-ը պլանավորում են Հայաստանում ևս մեկ 200 Մվտ հզորությամբ արևային կայանի կառուցման առաջարկ անել

23 հուլիսի 2021 | Տնտեսություն | Цитата

Հայաստանի հետաքրքրությունների պետական ֆոնդը (ԱՆԻՖ) և արաբական «Մասդար» ընկերությունը պլանավորում են աշնանն առաջարկել Դաշտադեմում և Թալինում 200 Մվտ հզորությամբ արևային ֆոտովոլտային կայանի կառուցմանը զուգահեռ նույն հզորությամբ ևս մեկ կայանի ներդրում: «Արմենպրես»-ի հետ զրույցում այս մասին ասաց Հայաստանի հետաքրքրությունների պետական ֆոնդի գլխավոր տնօրեն Դավիթ Փափազյանը:

«Մենք՝ «Մասդար»-ի և ԱՆԻՖ-ի թիմը, աշնանը ևս 200 Մվտ-ի կառուցման առաջարկ ենք ներկայացնելու Տարածքային կառավարման և ենթակառուցվածքների նախարարությանը: Դա ամենայն հավանականությամբ կլինի էլ ավելի էժան սակագնով, քան այս պայմանագրով է ֆիքսվել  (նկատի ունի Արագածոտնի մարզի Թալին և Դաշտադեմ համայնքներում կառուցվելիք 200 Մվտ հզորությամբ կայանի պայմանագիրը-խմբ.)»,-ասաց Փափազյանն ու պարզաբանեց՝ այսինքն 2.99 ցենտից էժան:

Ֆոնդի տնօրենը հիշեցրեց, որ փոփոխություններ են արվել Պետություն-մասնավոր գործընկերության մասին օրենքում: «Եթե օրենքը նախկինում շատ բարդ էր, և իմ անձնական կարծիքով թափանցիկ պատ էր հանդիսանում ՀՀ-ում այս ֆորմատով ներդրումներ անելու համար, ապա վերջերս ընդունված փոփոխությունները հնարավորություն են տալիս երկկողմանի բանակցություններով այս մասշտաբի ծրագրեր իրականացնել»,-ասաց Փափազյանը:

Նոր 200 Մվտ հզորությամբ կայանի տեղն արդեն պլանավորել են, այն կլինի Արագածոտնից ոչ հեռու, այլ մանրամասներ դեռ չեն հաղորդում: Հողատարածքը կրկին կլինի համայնքային, տեղանքը այլ, գյուղատնտեսական նպատակներով օգտագործելու համար՝ ոչ բարենպաստ: Այդ տարածքում արևային ճառագայթումը ևս բավականին բարձր է: 

Եթե ծրագիրը հաստատվի, ապա Դաշտադեմում և Թալինում կայանի պատրաստ լինելուց 1 տարի անց էլ կսկսի երկրորդ 200 Մվտ հզորությամբ կայանը գործել: Ինչ վերաբերում է Դաշտադեմում և Թալինում կառուցվելիք արևային կայանին, ապա Փափազյանն ասաց. «Նախատեսվում է, որ 2024-ի հոկտեմբերին էլեկտրականության լիարժեք վաճառք լինի, իսկ երկրորդ 200 Մվտ հզորությամբ կայանը կլինի դրանից 12 ամիս հետո, այսինքն՝ 2025-ի հոկտեմբերին»:

Աննա Գրիգորյան
armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն