• Armenianeconomy.com

Բաղրամյան համայնքում 2 սուբվենցիոն ծրագիր կիրականացվի

08 հուլիսի 2021 | Լուրեր մարզերից | Цитата

Համայնքների տնտեսական և սոցիալական ենթակառուցվածքների զարգացմանն ուղղված պետություն-համայնք համաֆինանսավորման սուբվենցիոն ծրագրի շրջանակում Բաղրամյան (Վաղարշապատի տ.) համայնքում կլուծվեն առաջնային կարևորություն ունեցող հետևյալ խնդիրները՝
1. Կվերակառուցվի խմելու ջրամատակարարման բաշխիչ ցանցը
2. Կվերանորոգվի համայնքի բուժամբուլատորիան

Բաղրամյան համայնքի խմելու ջրամատակարարման համակարգը կառուցվել 1970-ական թվականներին՝ պողպատյա և թուջե խողովակներով: Երկար տարիների շահագործումից խողովակները հողի մեջ գտնվելով քայքայվել են, ինչի հետևանքով այժմ համայնքում առկա է մեծ քանակի ջրի կորուստ, բացի այդ վատ որակ, որն էլ ժամանակ առ ժամանակ համայնքի բնակչության շրջանում առաջացնում է աղիքային հիվանդություններ:

Համաֆինանսավորման ծրագրով նախատեսված աշխատանքների ավարտին համայնքը կունենա 11 կմ երկարությամբ խմելու ջրագծերի գլխավոր մագիստրալներ, 670 տնտեսության համար նախատեսված ջրաչափման հորեր և 24-ժամյա որակյալ ջրամատակարարում:

Բաղրամյանի՝ 2021 թվականի համար հաստատված սուբվենցիոն ծրագրի երկրորդ բաղադրիչով կվերանորոգվի 1984 թվականին կառուցված ամբուլատորիայի շենքը, որը շահագոծման ողջ ընթացքում չի վերանորոգվել: Երկհարկանի կառույցի ընդհանուր ներքին մակերեսը կազմում է 616,9 քմ, իսկ շենքի հիմքի արտաքին մակերեսը՝ 371,1քմ:

Ծրագրի շրջանակում նախատեսվում է տանիքի կապիտալ վերանորոգում, մետաղապլաստե պատուհանների և դռների տեղադրում, էլեկտրականության մոնտաժում, սանհանգույցի վերանորոգում, ջրամատակարարման և ջրահեռացման ցանցի կառուցում, ինչպես նաև պատերի քսահարթում և ներկում: Համապատասխան աշխատանքների իրականացման արդյունքում համայնքի բնակիչները հնարավորություն կունենան ավելի բարեկարգ և հարմարավետ պայմաններում ստանալ բուժօգնություն, պատվաստում, հետազոտություն և այլ առողջապահական ծառայություններ:

Հավելենք, որ սույն ծրագիրը նախատեսվում է շարունակել 2022 թվականին՝ երկրորդ հարկի ներքին հարդարման աշխատանքների, ինտերիերի մշակման, էներգախնայող համակարգերի կիրառման մասով:


Անուն*
Ձեր էլ. հասցեն*
Ուղարկվող էլ. հասցեն*
 

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն