«Քաղաքացիական պայմանագիր» կուսակցության նախընտրական ցուցակը գլխավորող, ՀՀ վարչապետի պաշտոնակատար Նիկոլ Փաշինյանը բերքի ոռոգման խնդրի լուծումը տեսնում է կաթիլային ոռոգման համակարգի ներդրմամբ: «Արմենպրես»-ի հաղորդմամբ` Փաշինյանն այս մասին ասաց Արագածոտնի մարզի Եղնիկ համայնքում բնակիչների հետ հանդիպման ժամանակ:
«Այգեգործական աշխատանքը կարող է ավելի հեշտ իրականացվել, եթե անցնենք կաթիլային ոռոգման: Այն տեղերում, որտեղ ջրի խնդիր կա, անկախ նրանից, թե ինչքան ջուր կունենանք, պետք է կաթիլային ոռոգման անցնենք: Այսօր կան երկրներ, որոնք անապատում գյուղատնտեսություն են զարգացրել և բերքի արտահանում են իրականացնում: Դրա լուծումը կաթիլային ոռոգումն է: Եվ մենք այսօր ասում ենք հետևյալը. այն տնտեսություններից, որոնք կանցնեն կաթիլային ոռոգման, հինգ տարի ջրի փող չենք ուզելու»,- ասաց Փաշինյանը:
ՀՀ վարչապետի պաշտոնակատարը նաև հավելեց` Կառավարությունը ներկայումս գյուղատնտեսական ծրագրեր է իրականացնում կաթիլային ոռոգման համակարգի ներդրմանը աջակցելու համար:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться