• Armenianeconomy.com

Հայկ Չոբանյան․ «Այստեղ ենք՝ մեր երազանքներն ու նպատակները ձևակերպելու, ու վաղվանից ի վեր դրանք կյանքի կոչելու համար»

Մայիսի 15-16-ը Դիլիջանում տեղի է ունեցել «Հայաստանը՝ որպես արդի արդյունաբերական և գիտահեն պետություն» ֆորումը՝ կազմակերպված Առաջատար տեխնոլոգիաների ձեռնարկությունների միության (ԱՏՁՄ) և ՀՀ բարձր տեխնոլոգիական արդյունաբերության նախարարության կողմից։

Ֆորումի նպատակն էր առաջատար տեխնոլոգիաների ոլորտի փորձի և ներուժի միջոցով ուղիներ նախանշել COVID-19-ի և պատերազմի պատճառով Հայաստանում առաջացած ճգնաժամի հետևանքները վերացնելու ուղղությամբ։
Երկօրյա ֆորումին մասնակցել են առաջատար տեխնոլոգիական ոլորտի, գիտահետազոտական կառույցների, համալսարանների, բիզնեսի, ինչպես նաև պետական գերատեսչությունների ներկայացուցիչներ։ 

Բացման արարողությանը ՀՀ ԲՏԱ նախարարի պաշտոնակատար Հայկ Չոբանյանը, ՀՀ էկոնոմիկայի նախարարի պաշտոնակատար Վահան Քերոբյանը, ԱՏՁՄ վարչության նախագահ Ալեքսանդր Եսայանն ու գործադիր տնօրեն Րաֆֆի Քասարջյանը ողջունել են ներկաներին ու հույս հայտնել, որ նման ձևաչափի հանդիպումները կխթանեն միջոլորտային համագործակցությանը։

«Հատկանշական է, որ նախորդ տարիների քննարկումների արդյունքում ծնվել են բազմաթիվ կարևորագույն գաղափարներ, որոնք վերածվել են հաջողված նախագծերի։ Մենք մի սեղանի շուրջ ենք, և մեր նպատակները մեկն են. բոլորս մեր հնարավորությունների շրջանակներում պետք է պայքարենք այդ նպատակներն իրականություն դարձնելու համար: Այստեղ ենք՝ մեր երազանքներն ու նպատակները ձևակերպելու, ու վաղվանից ի վեր դրանք կյանքի կոչելու համար: Նմանատիպ հարթակներն ամենաարդյունավետն են մեր առջև կանգնած խնդիրները ձևակերպելու և դրանց լուծումները գտնելու համար,  որպեսզի խնդիրները քննարկենք ոչ թե մեր ստորաբաժանումների, այլ՝ ոլորտի իրական գործիչների ու իրականացնողների հետ։ Նման միջոցառումների արդյունքը պետք է լինի գործողությունների ծրագիր, նոր առաջարկություններ, որոնք մեր սեղանին պետք է լինեն որպես ռազմավարական փաստաթղթեր»,- ասել է ՀՀ ԲՏԱ նախարարի պաշտոնակատար Հայկ Չոբանյանը։

«Գաղտնիք չէ, որ կրթությունն ու տնտեսությունն այժմ իրարից անկախ են զարգանում, ուստի պետք է այնպես անենք, որ դրանք համահունչ լինեն ու ծառայեն պետության առաջ ծառացող մարտահրավերների հաղթահարմանը։ Մենք նոր տնտեսական քաղաքականություն ենք մշակել, ու այն շուտով կներկայացվի լայն քննարկման, ու դրանում առանձնահատուկ դեր ունի գիտությունը՝ որպես մեր երկրի զարգացման միակ ճանապարհ», - նշել է ՀՀ էկոնոմիկայի նախարարի պաշտոնակատար Վահան Քերոբյանը։ 

Քննարկման հիմնական թեմաներն էին Հայաստանում գիտահետազոտական ներուժի վերականգնման հնարավորությունները, արդյունաբերության և գիտահետազոտական ոլորտի զարգացմանը նպաստող էլեկտրոնային կառավարման համակարգերի և պետական անվտանգության ստանդարտների մշակումը, արդի արդյունաբերական համալիրի համար ինժեներական կրթությամբ մասնագետների ապահովումը, գիտահետազոտական ոլորտի համար անհրաժեշտ կադրերի նվազագույն քանակի ապահովումը։ 

Հայկ Չոբանյան․ «Այստեղ ենք՝ մեր երազանքներն ու նպատակները ձևակերպելու, ու վաղվանից ի վեր դրանք կյանքի կոչելու համար»
 

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տեղեկատվական տեխնոլոգիաներ
• Քննարկվել են տեխնոլոգիական մի շարք ուղղություններով Նիդերլանդների հետ համագործակցության խորացման հնարավորությունները• Վահագն Խաչատուրյանը ընդունել է Գերմանիայի միջազգային համագործակցության ընկերության հայաստանյան ծրագրի ղեկավարին• Թվային հեռուստատեսային հեռարձակման ցանցում կկատարվեն պլանային պրոֆիլակտիկ աշխատանքներ• Ստացե'ք տեխնոլոգիական կրթություն մինչև 80% համաֆինանսավորմամբ  • Մեկնարկել է SpaceCamp-2021 (ՍփեյսՔեմփ-2021) ամառային ճամբարը• Վահագն Խաչատուրյանը և Ֆան Յոնգը քննարկել են բարձր տեխնոլոգիաների ոլորտում փոխգործակցության հնարավորությունները• Connect2Recover հետազոտական աշխատանքների միջազգային մրցույթին մասնակցելու հրավեր• Առաջատար տեխնոլոգիական ընկերություններում շուրջ 40 փորձնակ արդեն անցնում է գործնական պրակտիկա․ հայտագրումը շարունակվում է• Համագործակցության հեռանկարներ Ճապոնիայի հետ բարձր տեխնոլոգիաների ոլորտում

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն