Հայաստանի զբոսաշրջային հնարավորությունները ներկայացնելու համար Զբոսաշրջության կոմիտեն հյուրընկալել է ռուսական երկու մեծ հեռուստաընկերություն՝ НТВ և «Россия-1»: «Արմենպրես»-ի մամուլի սրահում հրավիրված ասուլիսում Զբոսաշրջության կոմիտեի հանրային կապերի և թվային մարքեթինգի փորձագետ Գայանե Այվազյանը նշեց, որ НТВ հեռուստաալիքով Հայաստանի մասին պատմող հաղորդումը, ամենայն հավանականությամբ, կհեռարձակվի մայիսի 15-ին: Մայիսի վերջին էլ «Россия-1»-ով կհեռարձակվի երկու հաղորդում՝ նվիրված Հայաստանին:
«Դրանից բացի, նախատեսում ենք ռուս բլոգերների ու լրագրողների այց Հայաստան: Նրանց համար արդեն այցելության օրակարգն է կազմվում, որպեսզի ավելի հետաքրքրիր ներկայացնենք մեր երկիրը»,-ասաց Գայանե Այվազյանը:
Հայաստանի զբոսաշրջային իմիջը բարձրացնելու նպատակով Զբոսաշրջության կոմիտեն կարևորում է նաև միջազգային ցուցահանդեսներին մասնակցությունը: Մայիսի 16-19-ը Դուբայում կայանալիք միջազգային զբոսաշրջային ցուցահանեսին Հայաստանը ևս ներկայացված կլինի:
«Դա շատ լավ հնարավորություն է այս ուղղությամբ ևս առավել ակտիվ համագործակցություն ծավալելու համար: Միջին արևելքի շուկաները հետաքրքիր են մեզ համար և մեծ պոտենցիալ ունեն: Միջազգային ցուցահանդեսներին Հայաստանը ներկայացնելիս հաշվի ենք առնում տվյալ շուկայի առանձնահատկությունը: Դրանից ելնելով էլ՝ փորձում ենք դիրքավորվել, հանդես գալ նոր առաջարկներով: Ամեն դեպքում, այն հիմնական պրոդուկտները, որոնք մենք ներկայացրել ենք այլ շուկաներին հետաքրքիր կլինեն նաև Դուբայում: Խոսքը գաստրո, արկածային, մշակութային տուրիզմի մասին է»,-հավելեց նա:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться