ԵԱՏՄ անդամ երկրներում մեկնարկել է ձեռնարկատիրության աջակցության նոր ծրագիր

«Ինտեգրացիա» Եվրասիական մրցույթի շրջանակներում ֆինանսական և ոչ ֆինանսական գործիքակազմով աջակցություն կտրամադրվի ԵԱՏՄ անդամ պետությունների  (Հայաստան, Ռուսաստան, Ղազախստան, Բելառուս, Ղրղզստան) ձեռնարկատիրական նախագծերին, այդ թվում՝ բարձր տեխնոլոգիական ոլորտի:

Հայտերը և  համատեղ նախագծերը Մրցույթի կազմկոմիտեի կողմից  ընդունվում են յուրաքանչյուր տարի՝ գարնանային (մարտի 1-ից մայիսի 30-ը) և աշնանային (սեպտեմբերի 1-ից  հոկտեմբերի 30-ը) ընտրափուլերի ընթացքում։ 

Մրցույթի նպատակն է ԵԱՏՄ անդամ պետությունների ձեռնարկատիրական գործունեություն իրականացնող ընկերությունների համար մեկ վայրում և մեկ հարթակում ստեղծել զարգացման առավելագույն հնարավորություններ, բացահայտել բիզնեսի նոր ուղղություններ։ 

«Ինտեգրացիա» Եվրասիական մրցույթի կազմակերպիչներն են Եվրասիական զարգացման բանկը (www.eabr.org), Ռուսաստանի արտահանման կենտրոնը (www.exportcenter.ru), «Տարածաշրջաններ-կայուն զարգացում» մրցույթի կազմկոմիտեն (www.infra-konkurs.ru)։

Մրցույթի մասին առավել մանրամասն՝ նախագծերի և դրանց հայտատուներին ներկայացվող պահանջների վերաբերյալ ամբողջական տեղեկատվությունը, ներկայացված է  «Ինտեգրացիա» Եվրասիական մրցույթի պաշտոնական կայքում հետևյալ հղումով`  www.invest-eaeunion.org:

hti.am