Հայաստանում 2012 թ. գյուղատնտեսական նպատակներով օգտագործվել է 304.2 հազ. հա հողատարածք; Այդ մասին տեղեկացնում է ՀՀ ազգային վիճակագրական ծառայությունը: Նախորդ տարվա համեմատ մշակովի հողատարածքներն ավելացել են 17.5 հազ. հա կամ 6.1%-ով:
Այսպիսով՝ մշակովի հողատարածքների ծավալն ընդհուպ մոտեցել է նախաճգնաժամային 2008 թ. մակարդակին՝ 304.5 հազ. հա:
Բացի բոստանային կուլտուրաներից՝ մնացած բոլոր կուլտուրաների տարածքներն ավելացել են: Բոստանային կուլտուրաների ընդհանուր տարածքը կազմել է 5.1 հազ. հա՝ նախորդ տարվա 5.8 հազ. հա-ի համեմատ: Սա հետեւանք է ինչպես բերքատվության զգալի աճի (1 հա-ի բերքատվությունը մոտեցել է 400 ցենտների), այնպես էլ Արարատյան դաշտում խաղողի նկատմամբ ձեւավորված բարձր պահանջարկի:
Խաղողի այգիներն ավելացել են մոտ 1000 հա-ով ու կազմում են 17.4 հազ. հա, ինչը վերջին 5 տարում ամենաբարձր ցուցանիշն է: Խաղողի բերքատվությունը 1 հա-ից 151 ցենտներ է՝ այս առումով առաջընթաց գրեթե չկա:
Զգալի աճել են նաեւ ցորենի ցանքատարածությունները՝ հասնելով 93.7 հազ. հա-ի՝ նախորդ տարվա 77.8 հազ. հա-ի փոխարեն: Ցորենի բերքատվությունը 1 հա-ից կազմել է 26 ցենտներ՝ նախորդ տարվա 28 ցենտների համեմատ:
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться