Ապրիլի 14-ին Կառավարության ծրագրի 2020 թվականի կատարման ընթացքի եւ արդյունքների վերաբերյալ զեկույցի քննարկման ժամանակ ԱԺ տնտեսական հարցերի մշտական հանձնաժողովի անունից հանդես եկավ Բաբկեն Թունյանը:
Պատգամավորը նշեց, որ նախորդ տարվա հաշվետվության՝ տնտեսությանը վերաբերող ոլորտները քննարկվել են իր նախագահած հանձնաժողովում:
Ըստ նրա՝ անցյալ տարին աննախադեպ էր, եւ այն ցուցանիշներն ու թիրախները, որոնք ի սկզբանե դրված էին 2020-ի համար, իրականություն չեն դարձել: Այս վիճակը բնորոշ է եղել աշխարհի բոլոր երկրներին. «Մեր դեպքում համաճարակին գումարվեց նաեւ պատերազմը իր տնտեսական ու սոցիալական հետեւանքներով: Փաստացի մենք ունեցել ենք ճգնաժամային կառավարում, որն իրականացվել է Կառավարության եւ Ազգային ժողովի սերտ համագործակցությամբ»:
Հանձնաժողովի նախագահն ընդգծեց, որ երկու տասնյակից ավելի հակաճգնաժամային միջոցառումներ են մշակվել ու կյանքի կոչվել. «Այդ ընթացքում հնչած գլխավոր հարցն է եղել՝ այդ միջոցառումները բավարա՞ր էին եւ ծառայեցի՞ն իրենց նպատակին»: Նա շեշտեց, որ կատարվել է առավելագույնը: Իսկ թե որքանով են դրանք եղել արդյունավետ, կպարզի ժամանակը: «Այս ընթացքում մենք փորձել ենք կանգ չառնել»,- եզրափակեց Բաբկեն Թունյանը:
parliament.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться