ԱԺ պատգամավոր Արտակ Մանուկյանի հեղինակած «ՀՀ հողային օրենսգրքում փոփոխություններ եւ լրացումներ կատարելու մասին» օրենքի նախագծով ակնկալվում է վերացնել հողերի աճուրդների ընթացքում տեղի ունեցող կոռուպցիոն երեւույթները:
Ըստ հեղինակի՝ տարածված երեւույթ է, երբ աճուրդի մասնակիցներից ոմանք աճուրդի սկզբում հողի համար անհիմն բարձր գին են առաջարկում, սակայն հետագայում հրաժարվում, ինչի հետեւանքով խաթարվում է մրցույթի արդար անցկացումը: Արտակ Մանուկյանի խոսքով՝ վերջնարդյունքում տվյալ հողը վաճառվում է խիստ ցածր գնով:
Աճուրդների թափանցիկությունն ապահովելու նպատակով առաջարկվում է աճուրդի դրվող հողամասերի վերաբերյալ հայտարարությունները, բացի azdarar.am կայքից, տեղադրել նաեւ մարզպետարանների կայքերում:
Մեկ այլ փոփոխությամբ էլ սահմանվում է, որ հողի՝ աճուրդով վաճառքի մեկնարկային գինը չի կարող պակաս լինել հողի կադաստրային արժեքի 100 տոկոսից, իսկ ՀՀ Կառավարության սահմանած ցանկում ընդգրկված սահմանամերձ, լեռնային, բարձրլեռնային, ծայրամասային բնակավայրերում աճուրդով վաճառքի մեկնարկային գինը` հողի կադաստրային արժեքի 30 տոկոսից:
Նախագծի վերաբերյալ դրական եզրակացություն ներկայացրին ԱԺ գլխադասային հանձնաժողովի եւ Կառավարության ներկայացուցիչները:
Նշենք, որ նախագիծն առաջին ընթերցմամբ քննարկվեց ԱԺ մարտի 24-ի նիստում:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться