Նախագիծը մշակվել է սահմանված միջոցառման ժամկետների փոփոխման և առավել իրատեսական ժամկետների սահմանման նպատակով։
ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2020 ԹՎԱԿԱՆԻ ՀՈՒԼԻՍԻ 31-Ի N 885-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Համաձայն «Նորմատիվ իրավական ակտերի մասին» օրենքի 34-րդ հոդվածի 1-ին մասի՝
Հայաստանի Հանրապետության վարչապետի 2020 թվականի հուլիսի 31-ի N 885-Ա որոշման (այսուհետ՝ Որոշում) Հավելվածում կատարել հետևյալ փոփոխությունները.
1) 1-ին կետում նշված միջոցառման՝ «Իրավական ակտի նախագիծը ներկայացնելու ժամկետը» սյունակում՝ «2020 թ.
4-րդ եռամսյակ» բառերը փոխարինել «2021 թվականի 4-րդ եռամսյակ» բառերով,
2) 2-րդ կետում նշված միջոցառման՝ «Իրավական ակտի նախագիծը ներկայացնելու ժամկետը» սյունակում՝ «2021 թ.
3-րդ եռամսյակ» բառերը փոխարինել «2022 թ.
4-րդ եռամսյակ» բառերով։
ՀԻՄՆԱՎՈՐՈՒՄ
«Հայաստանի Հանրապետության վարչապետի 2020 թվականի հուլիսի 31-ի N 885-Ա որոշման մեջ փոփոխություններ կատարելու մասին» ՀՀ վարչապետի որոշման նախագծի
1. Անհրաժեշտությունը
«Հայաստանի Հանրապետության վարչապետի 2020 թվականի հուլիսի 31-ի N 885-Ա որոշման մեջ փոփոխություններ կատարելու մասին» ՀՀ վարչապետի որոշման նախագծի (այսուհետ՝ նախագիծ) ընդունման անհրաժեշտությունը առաջացել է Հայաստանի Հանրապետությունում 2020 թվականին սկիզբ առած՝ ԿՈՎԻԴ 19 համավարակի, այնուհետ ստեղծված պատերազմական իրավիճակի պայմաններում սահմանված միջոցառումներն իրականացնելու համար հետազոտական և բանակցային աշխատանքների իրականացման անհնարինությամբ։
2. Ընթացիկ իրավիճակը և խնդիրները
Ներկայում ՀՀ աշխատանքի և սոցիալական հարցերի նախարարությունը վերանայում է երեխաների իրավունքների պաշտպանության եռաստիճան համակարգը։ Համակարգի վերանայման համար այժմ իրականացվում է հետազոտություն՝ ՀՀ տարածքային կառավարման և ենթակառուցվածքների նախարարության հետ համագործակցությամբ։ Առաջիկայում նախատեսվում են իրականացնել նաև շահեկից մարմինների հետ քննարկումներ, որոնք հնարավոր չի եղել իրականացնել արտակարգ և ռազմական դրության պայմաններում։ Սահմանված ժամկետներում փոփոխությունների իրականացման բացակայության վերաբերյալ տեղեկությունը ներկայացվել է ՀՀ վարապետի աշխատակազմ և ՀՀ վարչապետի՝ 2020 թվականի դեկտեմբերի 23-ի N 02/11.7/53769-2020 հանձնարարությամբ ընդունվել է ի գիտություն։
Երեխաների իրավունքների պաշտպանության եռաստիճան համակարգում դերակատարների հստակեցումից հետո միայն հնարավոր կլինի իրականացնել փոփոխություն «Երեխայի իրավունքների մասին» ՀՀ օրենքում, որտեղ համակարգի դերակատարներին կվերապահվեն «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիայից բխող լիազորություններ։
3. Կարգավորման նպատակը և բնույթը.
Նախագծի ընդունման նպատակն է՝ փոփոխել միջոցառումների իրականացման ժամկետները՝ սահամանելով գործընթացների լիարժեք իրականացման համար նոր ժամկետներ։
4. Նախագծի մշակման գործընթացում ներգրավված ինստիտուտները և անձիք
Նախագծում փոփոխությունների և լրացումների մասին առաջարկությունները ներկայացվել է Հայաստանի Հանրապետության աշխատանքի և սոցիալական հարցերի նախարարության կողմից:
5. Ակնկալվող արդյունքը
Նախագծի ընդունման արդյունքում կսահմանվեն՝ օրենսդրական ակտերում փոփոխություններ իրականացնելու համար առավել իրատեսական ժամկետներ։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться