ՀՀ բարձր տեխնոլոգիական արդյունաբերության նախարարի առաջին տեղակալ Գոռ Մելիքյանը հունվարի 22-ին հանդիպել է Հայաստանում Ռուսաստանի առևտրային ներկայացուցիչ Աննա Դոնչենկոյի հետ: Կողմերը քննարկել են արդյունավետ պլանավորման, ճյուղային և միջգերատեսչական համագործակցության համատեղ ճանապարհային քարտեզ ստեղծելու հնարավորությունները:
Գոռ Մելիքյանի խոսքով՝ բարձր տեխնոլոգիաների ոլորտում քաղաքացիական արտադրանքի խթանման գործում համագործակցության ուղղությամբ ՀՀ բարձր տեխնոլոգիական արդյունաբերության նախարարությունն առանցքային գործընկեր է համարում Ռուսաստանի արդյունաբերության և առևտրի նախարարությանը:
Աննա Դոնչենկոն առաջարկել է ռուս-հայկական գիտատեխնիկական խորհրդի ստեղծման գաղափարը՝ որպես կանոնավոր երկխոսության հնարավոր հարթակ:
Միևնույն ժամանակ, առևտրային ներկայացուցիչը բարձր տեխնոլոգիաների, էլեկտրոնիկայի և դիզայնի ոլորտում համատեղ նախագծերի զարգացման ընթացիկ և ռազմավարական հարցերի քննարկման համար համակարգված և հետևողական աշխատանքը շարունակելու համար առաջարկել է միասին մտածել ռուս-հայկական գիտատեխնիկական խորհրդի ստեղծման մասին, որտեղ կներառվեն փորձագիտական համայնքի ներկայացուցիչներ, շահագրգիռ ընկերություններ, ինչպես նաև պետական կառավարման համապատասխան մարմինների աշխատակիցներ, որպեսզի փորձագիտական մակարդակում մշակված դիրքերը անհապաղ ձևակերպվեն կազմելով կոնկրետ որոշումներ և ցուցումներ:
ՀՀ ԲՏԱ նախարարի առաջին տեղակալ Գոռ Մելիքյանը հավանություն է տվել այս գաղափարին, ինչպես նաև երկկողմ նախագծերի միասնական ցանկի պահպանման նպատակահարմարությանը՝ կարևորելով նաև Հայաստանի բարձր տեխնոլոգիական արդյունաբերության ուժեղ կողմերը, ինչպիսիք են բարձրորակ գիտահետազոտական և փորձակոնստրուկտորական աշխատանքները, ինժեներական ծառայությունները, և փորձնական արտադրությունը:
Կողմերն ընդգծել են, որ անհրաժեշտ է զարգացնել երկկողմ փոխգործակցության ավելի համակարգված մոտեցում այնպիսի բնագավառներում, ինչպիսիք են ռադիոէլեկտրոնիկան, թվային տեխնոլոգիաները, պայմանավորվածություն են ձեռք բերել շարունակական աշխատանքներ իրականացնել մի շարք ոլորտներում, այդ թվում՝ ռուս-հայկական գիտատեխնիկական խորհրդի ստեղծման գաղափարի մշակում, հեռանկարային և ընթացիկ երկկողմ նախագծերի մոնիտորինգի իրականացում, երկու երկրների ձեռնարկությունների հնարավորությունների և հետաքրքիր առաջարկների վերաբերյալ տեղեկատվության կանոնավոր փոխանակման իրականացում և առավել սերտ միջգերատեսչական համագործակցության զարգացում համագործակցության հուշագիր ստորագրելու հեռանկարով:
Հանդիպման ընթացքում զրուցակիցներն անդրադարձել են նաև այնպիսի թեմաների, ինչպիսիք են Հայաստանում ինժեներական և արդյունաբերական քաղաքներ ստեղծելու նախագծերի իրականացումը, երկու երկրների գործարարների մասնակցությունը ExpoElectronica և ArmHiTec մասնագիտացված ցուցահանդեսներին և պատվիրակությունների փոխգործակցությունը:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться