Տեղի է ունեցել ՀՀ կառավարության հերթական նիստը

Հունվարի 21-ին Կառավարության նիստում ընդունվել են ՀՀ էկոնոմիկայի նախարարության կողմից ներկայացված հետևյալ նախագծերը․

- «Հայաստանի Հանրապետության կառավարության 2018 թվականի դեկտեմբերի 27-ի N 1519-Ա որոշման մեջ փոփոխություն կատարելու մասին» Հայաստանի Հանրապետության  կառավարության որոշման նախագիծ

- «Հայաստանի Հանրապետության կառավարության 2019 թվականի հունիսի 27-ի N 796-Ա որոշման մեջ լրացումներ և փոփոխություն կատարելու մասին» Հայաստանի Հանրապետության  կառավարության որոշման նախագիծ

- «Հայաստանի Հանրապետության կառավարության 2020 թվականի նոյեմբերի 30-ի N 1906-Ա որոշման մեջ փոփոխություններ կատարելու մասին» Հայաստանի Հանրապետության  կառավարության որոշման նախագիծ

Որոշումներով փոփոխություններ են արվել «Գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար «ՏԵՖՖԻ» փակ բաժնետիրական ընկերության, «ՔԱՆԱՔԵՌԻ ԿԱՐԻ ՖԱԲՐԻԿԱ» սահմանափակ պատասխանակտվությամբ ընկերության, «ԹԵՐՄՈՐԵՔՍ» փակ բաժնետիրական ընկերության կողմից ներկայացված հայտը բավարարելու և արտոնությունը կիրառելու մասին» ՀՀ կառավարության երեք որոշումներում։

Փոփոխությունները պայմանավորված են ընկերությունների կողմից գերակա ոլորտում իրականացվող ներդրումային ծրագրի իրականացումն ապահովելու անհրաժեշտությամբ: Արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար:

mineconomy.am