Հարկային արտոնություն են ստացել ՏՏ ոլորտի տնտեսվարող սուբյեկտներ

Ս. թ. սեպտեմբերի 10-ին ԱՀ էկոնոմիկայի և արտադրական ենթակառուցվածքների նախարար Լևոն Գրիգորյանի գլխավորությամբ կայացել է Արցախի Հանրապետության տեղեկատվական տեխնոլոգիաների ոլորտի տնտեսվարող սուբյեկտների հավաստագրաման հանձնաժողովի նիստը:

Քննարկվել է «Ինստիգեյթ Սիսթեմս», «Բրինգի Թեք» ՍՊԸ-ի  և «Ջիգսավ» ԱԿ թվով 3 տնտեսվարող սուբյեկտների հարկային արտոնությունների հավաստագրերի հայտերը: Հանձնաժողովը ուսումնասիրել է ներկայացվածդիմումներն ու դրանց կից փաստաթղթերը և տվել է դրական եզրակացություն:

Նշենք, որ ընթացիկ տարում հարկային արտոնություն էին ստացել ևս 7 ՏՏ ոլորտի տնտեսավարող սուբյեկտներ:

Տրված հավաստագրի հիմքով, նշված ընկերությունների համար սահմանվում են հետևյալ հարկային արտոնությունները.

ընկերության աշխատողներին վճարվող աշխատավարձից և դրան հավասարեցված եկամուտներից եկամտային հարկը հաշվարկվում է 5 տոկոս դրույքաչափով,
ընկերությունը լրիվությամբ ազատվում է տեղեկատվական տեխնոլոգիաների իրացումից առաջացած շահութահարկի վճարումից:
Հարկային արտոնությունները, համաձայն օրենքի, գործելու են մինչև 2029 թվականի հունվարի 1-ը:

ԱՀ կառավարությունը շարունակելու է հետամուտ լինել ՏՏ ոլորտի հետագա զարգացմանը և շարունակական աճի խթանմանը:

armei.am