Ռուսաստանը շահագրգռված է Կովկասում ուժեղ դաշնակից ունենալով' ի դեմս Հայաստանի, «Մոսկովսկիե նովոստիին » տված հարցազրույցում ասել է ՀՀ վարչապետ Տիգրան Սարգսյանը։
«Մենք տեսնում ենք, որ Ռուսաստանը շահագրգռված է Կովկասում ուժեղ դաշնակից ունենալով' ի դեմս Հայաստանի։ Մեր տնտեսությունում կատարած ներդրումների առումով Ռուսաստանը զբաղեցնում է առաջին տեղը'չխոսելով արդեն ռազմական ոլորտում համագործակցության մասին»,– ասել է Սարգսյանը։
Ըստ նրա' հայ–ռուսական հարաբերություններն այսօր դաշնակցային փոխազդեցություն են, որն ամուր հիմնված է երկու երկրների ժողովուրդների միջև պատմական մերձեցման վրա։
«Այդ հարաբերությունների տարբերիչ գիծն այն է, որ մենք դրանցում ոչ մի խնդիր չենք տեսնում։ Պարբերաբար հարցեր են առաջանում, որոնք մենք երկկողմանի կարգով լուծում ենք։ Շատ կարևոր է, որ պատմականորեն մեր ժողովուրդների միջև հարաբերություններ են ձևավորվել, որոնք գնահատվում և փոխանցվում են սերնդեսերունդ։ Այդ պատճառով մեր հարաբերությունները համապարփակ բնույթ են կրում»,– ասել է Սարգսյանը։
Այդ համատեքստում կառավարության ղեկավարն ընդգծել է, որ նույնիսկ դժվար է որպես առաջնային առանձնացնել որևէ մեկ կամ մի քանի ուղղություն։
«Միաժամանակ վերջին շրջանում առաջին պլան են դուրս գալիս անվտանգության և ապագայի համար մեր համատեղ պատասխանատվության հարցերը, ինչպես նաև տնտեսական համագործակցության ձևաչափը, որտեղ Հայաստանը կարող էր ամուր դիրքերում համագործակցել Ռուսաստանի հետ»,– ավելացրել է նա։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться