Հայաստանում գազի գինը լավագույնը կլինի ԱՊՀ-ում, կառավարության նիստից հետո լրագրողներին ասաց ՀՀ էներգետիկայի և բնական պաշարների նախարար Արմեն Մովսիսյանը։
«Բանակցությունների ավարտից հետո մենք վերջնականապես կհայտարարենք գինը։ Մենք գազի լավագույն գինը կունենանք»,– ասաց Մովսիսյանը։
Միաժամանակ նա հերքեց այն պնդումները, որ բանակցություններն ավարտված են, և գազի գինը չեն հայտնում նախագահական ընտրությունների պատճառով։
Ավելի վաղ հայկական թերթերը գրում էին, որ Հայաստան մատակարարվող ռուսական գազի գինը 2013թ.–ի ապրիլի 1–ից կաճի' 1000 խորանարդ մետրի դիմաց մինչև 240 դոլար' գործող 180 դոլարի փոխարեն։ Ըստ ԶԼՄ–ների տվյալների' համապատասխան համաձայնագիրն իբրև արդեն պատրաստ է և, ամենայն հավանականությամբ, կհրապարակվի ՀՀ նախագահական ընտրություններից հետո, որը տեղի կուեննա փետրվարի 18–ին։
Ներկա պահին Հայաստանը «Գազպրոմից» 1000 խորանարդ մետր գազ է գնում 180 դոլարի դիմաց, սպառողների համար նախատեսված սակագինը կազմում է 132 դրամ/խմ։
«ՀայՌուսԳազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և տեղաբաշխման ոլորտի մենաշնորհատերն է։ Ընկերությունը ստեղծվել է 1997 թվականին։ «Գազպրոմ» ՍՊԸ-ի մասնաբաժինն ընկերության կանոնադիր կապիտալում կազմում է 80 տոկոս, Հայաստանի կառավարության մասնաբաժինը՝ 20 տոկոս։
Աղբյուրը՝ newsarmenia.ru
Վիդեոյի աղբյուրը՝ mir24.tv
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться