2020թ. հունվար-հունիս ամիսներին, 2019թ. համադրելի ժամանակահատվածի համեմատ, Հայաստանում տնտեսական ակտիվության ցուցանիշը նվազել է 4.7%-ով: Այս մասին «Բիզնես 24»-ին տեղեկացնում են ՀՀ վիճակագրական Կոմիտեից:
Ըստ ներկայացված տվյալների՝ հաշվետու ժամանակաշրջանում տնտեսական ակտիվության ցուցանիշի անկմանը նպաստել է առևտրի շրջանառության, բնակչությանը մատուցված ծառայությունների և շինարարության ծավալների կրճատումը: Աճ է արձանագրվել արդյունաբերական արտադրանքի և գյուղատնտեսության համախառն արտադրանքի ոլորտներում։
Այսպես, հունվար-հունիս ամիսներին արդյունաբերական արտադրանքի ծավալն աճել է 1.5%-ով, շինարարությունը նվազել է 23.4%-ով, առևտրի շրջանառությունը նվազել է 11.1%-ով, բնակչության մատուցված ծառայությունների ծավալը նվազել է 6.4%-ով, իսկ գյուղատնտեսության համախառնարտադրանքի ծավալն աճել է 1.7%-ով:
Բացարձակ արտահայտությամբ արդյունաբերության համախառն արտադրանքի ծավալը կազմել է 895 952.1 մլն ՀՀ դրամ, առևտրի շրջանառությունը՝ 1,262,458.8 մլն ՀՀ դրամ, ծառայությունների ծավալը՝ 861,686.7 մլն ՀՀ դրամ, շինարարության ծավալը՝ 105,779.6 մլն ՀՀ դրամ, իսկ գյուղատնտեսության համախառնարտադրանքի ծավալը՝ 239,967.3։
b24.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться