Ընթացիկ տարում նախատեսվում է կրկնապատկել Գյումրիում ճանապարհների եւ գիշերային լուսավորության արդիականացմանն ուղղված շինարարական աշխատանքների ծավալը: Այս մասին հունիսի 10-ին մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկմանն ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը:
Ըստ նրա՝ Վերակառուցման եւ զարգացման եվրոպական բանկի կողմից վարկային եւ դրամաշնորհային միջոցներով ֆինանսավորվող ծրագրի իրականացման ընթացքում հաղորդակցության հետ կապված որոշ խնդիրներ են առաջացել, որոնք նախկինում ոչ մի տեղ չէին ֆիքսվել:
«Խոսքը մալուխային գծերի եւ գազատարների մասին է: Այդ պատճառով նախագիծը դեռ ամբողջությամբ չի իրականացվել: Ֆինանսավորումն իրականացվում է նաեւ տեխնիկական աջակցության շրջանակներում: Վարկերի մասով 902.7 միլիոն դրամ է իրացվել, ինչն ընդհանուր աշխատանքի 39.6 տոկոսն է կազում, դրամաշնորհների մասով՝ 470.1 մլն դրամ, այսինքն՝ 25.5 տոկոստ, տեխնիկական աջակցության մասով՝ 130.3 մլն դրամ՝ 36.3 տոկոս»,- ասաց նախարարը: .
Այնուամենայնիվ, ինչպես նշեց Պապիկյանը, հաջողվել է արդիականացնել 12 կմ ճանապարհը եւ քաղաքի հրապարակներից մեկը, որի պատմական հատվածն էական փոփոխությունների է ենթարկվել եւ զգալիորեն գեղեցկացել է:
«Այս տարի ծրագիրը կշարունակվի ավելի մեծ թափով»,- վստահեցրեց նախարարը:
mtad.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться