• Armenianeconomy.com

«ԵՄ-ն՝ բիզնեսի համար» նախաձեռնությունն աջակցում է Հայաստանում զբոսաշրջության ոլորտի զարգացմանը՝ «Covid-19-ի պայմաններում նորարարական տուրիզմին ուղղված նպատակային դրամաշնորհների մրցույթի» մ

Եվրոպական միությունը իր «ԵՄ-ն բիզնեսի համար» նախաձեռնության ներքո Գերմանիայի Միջազգային Համագործակցության Ընկերության (ԳՄՀԸ) կողմից իրականացվող «Նորարարական տուրիզմ Հայաստանի համար» ծրագրի շրջանակում հայտարարում է Covid-19-ի պայմաններում նորարարական տուրիզմին ուղղված նպատակային դրամաշնորհների մրցույթ՝ ուղղված հայաստանյան զբոսաշրջության ոլորտում այս դժվարին ժամանակներում բիզնես գործունեության ծավալմանը:

«ԵՄ-ն բիզնեսի համար» նախաձեռնության նորարարական տուրիզմի նպատակային դրամաշնորհների շրջանակում տրամադրվող աջակցության նպատակն է բարձրացնել  զբոսաշրջային ընկերությունների արդյունավետությունը և մրցունակությունը, բարելավել զբոսաշրջության բնագավառի աշխատողների և ձեռներեցների հմտություններն ու որակավորումը, խթանել գոյություն ունեցող և նոր մշակվող պրոդուկտների և ծառայությունների կատարելագործումն ու արդիականացումը, ինչպես նաև հետևել նորարարական շուկայավարման և ռե-բրենդինգի մոտեցումներին՝ դյուրափոփոխ համատեքստին լավագույնս  ադապտացվելու, փոփոխվող շուկաներին, պահանջարկին ինչպես նաև բիզնես գործունության վարման ձևերի  փոփոխությանը պատրաստ լինելու համար:

Հայտեր կարող են ներկայացնել սահմանված պահանջներին  համապատասխանող դիմորդներ՝ ողջ Հայաստանից, սակայն առաջարկվող նախագծերը պետք է նպաստեն նորարարական զբոսաշրջության զարգացմանը Հայաստանի հյուսիսային երեք մարզերում՝ Տավուշում, Լոռիում և Շիրակում:

Հայտերի ընդունման հայտարարությունը, այդ թվում նաև հայտերի ներկայացման մասին լրացուցիչ տեղեկատվությունը,  ներբեռնման ենթակա փաստաթղթերը, ինչպես նաև կոնտակտային տվյալները կարող եք գտնել armacad.am և այլ հարթակներում: Հետաքրքրված կազմակերպությունները կարող են հայտերը ներկայացնել մինչև 2020 թ. հունիսի 28-ը:

Հայաստանում Եվրոպական միության դեսպան Ն.Գ. Անդրեա Վիկտորին. Եվրոպական միությունը պատրաստ է աջակցել ՀՀ կառավարությանը և քաղաքացիներին` կրոնավիրուսային համավարակի դեմ պայքարով պայմանավորված այս դժվարին շրջանում։ Համավարակի բռնկման առաջին օրերից մենք տրամադրել ենք շուրջ 92 մլն եվրո ընդհանուր աջակցություն՝  Կորոնավիրուսային համավարակի ազդեցության մեղմմանն ուղղված տարբեր աջակցության միջոցառումների և  ծրագրերի միջոցով։ Աջակցության թիրախում են մասնավորապես տնտեսության այն բնագավառները, որոնք ավելի ծանր հարված են կրել։ Խոցելիներից մեկը տուրիզմի բնագավառն է, և Եվրոպական միությունը,  Գերմանիայի միջազգային համագործակցության ընկերության (ԳՄՀԸ) հետ համատեղ, ԵՄ-ն բիզնեսի համար նախաձեռնության մաս կազմող (EU4Business)  «Նորարարական տուրիզմի զարգացում Հայաստանի համար» ծրագրի շրջանակներում՝ մեկնարկում է «Covid-19-ի  պայմաններում  նորարարական տուրիզմին ուղղված նպատակային դրամաշնորհների մրցույթ»  հատուկ դրամաշնորհային սխեման, որի միջոցով  առաջարկում ենք շուրջ 300 հազար եվրո աջակցություն տուրիզմի բնագավառում գործունեություն իրականացնող հայաստանյան բիզնեսներին։    

Զբոսաշրջության կոմիտեի նախագահ Սուսաննա Սաֆարյան. Ողջունում ենք և  մեր լիակատար աջակցությունն ենք  հայտնում այս տագնապալի ժամանակներում «ԵՄ-ն բիզնեսի համար» նախաձեռնության ակտիվ դիրքորոշմանը՝ աջակցելու Հայաստանի զբոսաշրջության ոլորտին՝ հատուկ միջոցառման իրականացման միջոցով: «ԵՄ-ն բիզնեսի համար» նախաձեռնության «Նորարարական տուրիզմի նպատակային դրամաշնորհային ծրագիրը» չափազանց կարևոր և անհրաժեշտ միջոցառում է, որը կլրացնի COVID-19-ի հետևանքով առաջացած մարտահրավերներին արձագանքելու Զբոսաշրջության կոմիտեի ջանքերը:

Աննե Դորիթ Քեմպա, Գերմանական միջազգային համագործակցության հայաստանյան գրասենյակի (GIZ) տնօրեն. Եվրոպական միությունը և ԳՄՀԸ հայաստանյան գրասենյակի կողմից համատեղ իրականացվող ԵՄ-ն բիզնեսի համար  նախաձեռնության Նորարարական տուրիզմի դրամաշնորհային ծրագիրը նպատակ է հետապնդում աջակցել հայաստանյան զբոսաշրջության զարգացմանը հյուսիսային երեք մարզերում՝ դրամաշնորհներ տրամադրելով նորարարական նախագծերի համար, որոնց միջոցով

-         կկատարելագործվեն զբոսաշրջային ընկերությունների և ձեռներեցներիի առաջարկները,

-         կբարձրանա ոլորտի արդյունավետությունն ու մրցունակությունը՝ այդպիսով,

-         նպաստելով աշխատատեղերի պահպանմանը ոչ միայն զբոսաշրջության, այլ նաև  այլ ոլորտներում:

Նորարարական զբոսաշրջությանն ուղղված դրամաշնորհային ծրագրի մասին

Նորարարական զբոսաշրջությանն ուղղված դրամաշնորհային ծրագրի նպատակն է օգնել Հայաստանի զբոսաշրջային ոլորտին մեղմել Covid-19-ի հետևանքները՝ ֆինանսական աջակցություն տրամադրելով Հայաստանի հյուսիսային երեք շրջաններում՝ Տավուշում, Լոռիում և Շիրակում զբոսաշրջության բնագավառում իրենց գործունեությունը ծավալող ընկերություններին և կոնսորցիումներին, սոցիալական ձեռնարկություններին, ՀԿ-ներին և հիմնադրամներին՝ իրականացնելու համար նորարարական նախագծեր՝ ստեղծած պայմաններին ավելի լավ ադապտացվելու և ներկայիս ճգնաժամից վերականգնվելու համար:  

ԵՄ-ն բիզնեսի համար նախաձեռնության «Նորարարական տուրիզմ  Հայաստանի համար»  նախագիծը «Նորարարական տուրիզմի և տեխնոլոգիաների զարգացում Հայաստանի համար» ծրագրի բաղադրիչներից մեկն է, որը համաֆինանսավորում է Եվրոպական միության և Գերմանիայի դաշնային հանրապետության տնտեսական համագործակցության և զարգացման նախարարության կողմից: Այն իրականացվում է Գերմանիայի Միջազգային Համագործակցության Ընկերության (ԳՄՀԸ) կողմից՝ «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» ծրագրի ներքո: Ծրագիրը մեկնարկել է 2019 թ. նոյեմբերին և կշարունակվի մինչև 2023թ. ապրիլը: Ծրագիրը մաս է կազմում Եվրոպական միության «ԵՄ-ն բիզնեսի համար»  նախաձեռնության (www.eu4business.eu):

ԵՄ-ն բիզնեսի համար «Նորարարական տուրիզմի և տեխնոլոգիաների զարգացում Հայաստանի համար» ծրագիրը  հետամուտ է երկու հիմնական ուղղության. նորարարական զբոսաշրջության և տեխնոլոգիաների բնագավառում ձեռնարկությունների զարգացմանը: Այս նպատակին հասնելու համար ծրագիրը կկազմակերպի դրամաշնորհային մրցույթներ, փորձագետների կողմից կտրամադրվի տեխնիկական աջակցություն, կապահովվի համայնքի և շահառուների մասնակցությունը մարզերում և աջակցություն կցուցաբերվի ձեռնարկատիրական էկոհամակարգին:

«ԵՄ-ն բիզնեսի համար նախաձեռնության «Նորարարական տուրիզմ Հայաստանի համար» բաղադրիչի ուշադրության կենտրոնում զբոսաշրջության ոլորտում կատարելագործված առաջարկների մշակումն է, ինչը կհանգեցնի հուսալի աշխատատեղերի ստեղծման, կայուն բիզնես գործունեության և պատասխանատու զբոսաշրջության դրական ազդեցության: Նախատեսվում է ֆինանսական/ դրամաշնորհային երեք ծրագրի մշակում և իրագործում՝ ուշադրության կիզակետում պահելով զբոսաշրջային ձեռնարկությունները: Բացի այդ, այն ներառում է նաև  Զբոսաշրջության կոմիտեի հզորացում, այդ թվում նաև աջակցության տրամադրում՝ ուղղված տվյալների վրա հիմնված զբոսաշրջային մարքեթինգային գործունեությանը:

Հարցերի համար ԶԼՄ-ները կարող են դիմել ԵՄ-ն բիզնեսի համար «Նորարարական տուրիզմի և տեխնոլոգիաների զարգացում Հայաստանի համար» ծրագրի հաղորդակցման պատասխանատու Նունե Քոչինյանին, հեռ. 077 172 712 և ՀՀ զբոսաշրջության կոմիտեի Հանրային կապերի պատասխանատու Գայանե Այվազյանին, հեռ. 093 179 023

mineconomy.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Ծառայություններ
• Հայաստանը մեկ միասնական տաղավարով կներկայանա ITB Berlin միջազգային զբոսաշրջային ցուցահանդեսին• Իրադարձային զբոսաշրջությունը վերականգնվում է. սահմանային համայնքները լինելու են ուշադրության կենտրոնում• Աջակցություն զբոսաշրջության ոլորտի ներդրումային ծրագրերին• Զբոսաշրջության ոլորտում անցկացվելու են կադրերի նախապատրաստական դասընթացներ• Երևանի 10 վարչական շրջաններում կհանվեն «կարմիր գծերը»• «Հայփոստ»-ը սահմանել է նոր սակագներ արտերկիր առաքվող գրքերի համար• Հայկական ԱԷԿ-ի ռեակտորի վերականգնողական թրծաթողման համակարգը պատրաստ է շահագործման• Երեւանում Մամիկոնյանց և Արամ Խաչատրյան փողոցները իրար կկապվեն• Ավարտվել են Փարաքարից մինչև Էջմիածին ճանապարհահատվածի միջին նորոգման աշխատանքները
Միջազգային համագործակցություն
• Հայաստանը մեկ միասնական տաղավարով կներկայանա ITB Berlin միջազգային զբոսաշրջային ցուցահանդեսին• Վահան Քերոբյանը և Ժոնաթան Լաքոտը համագործակցության պատրաստակամություն են հայտնել հայ-ֆրանսիական տնտեսական կապերի ընդլայնման նպատակով• Շրի Լանկայի դեսպանը ՀՀ էկոնոմիկայի նախարարին առաջարկել է միջկառավարական հանձնաժողով ստեղ• ԵԱՏՄ երկրների հետ Հայաստանի առևտրաշրջանառությունը 2020-ի 11 ամիսներին կրճատվել է 2 տոկոսով• Քննարկվել է ռուսաստանյան շուկայում հայկական սննդամթերքի արտահանումների ընդլայնման հնարավորությունը• Մաքսատուրքերի զրոյացում, թեստերի փոխճանաչում. ՀՀ-ի նախաձեռնությամբ ինչ հաջող ծրագրեր են ընթանում ԵԱՏՄ-ում• Հայաստանում գրանցված տնտեսավարողները հեշտությամբ կկարողանան մասնակցել Ռուսաստանի պետական գնումներին• Ճապոնիան 3.6 մլն ԱՄՆ դոլարի աջակցություն կտրամադրի Հայաստանին• Վահան Քերոբյանը և Հայաստանում Շվեդիայի դեսպանը քննարկել են համագործակցության օրակարգային հարցեր

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն