Ռոսպոտրեբնադզորի ղեկավար, Ռուսաստանի գլխավոր պետական սանիտարական բժիշկ Գենադի Օնիշչենկոն պատրաստ Է հունվարի վերջին կամ փետրվարի սկզբին հանդիպել Վրաստանի պատվիրակության հետ եւ բանակցել ՌԴ-ին վրացական գինու եւ հանքային ջրի մատակարարումների վերսկսման շուրջ, հաղորդում Է «Արմենպրես»-ը:
Ավելի վաղ Վրաստանի գյուղատնտեսության նախարար Դավիթ Քիրվալիձեն հաղորդել Էր, որ հինգ գերատեսչությունների ներկայացուցիչներ կընդգրկվեն այն պատվիրակության կազմում, որը կուղեւորվի Մոսկվա՝ բանակցելու ռուսական շուկային վրացական արտադրանքի մատակարարումների վերսկսման հարցերի շուրջ: Օնիշչենկոն ՌԻԱ Նովոստիին հայտարարել Է, որ ոչ պաշտոնական ուղիներով ստացել Է պատվիրակության անդամների ցուցակը: Նրա կարծիքով՝ վրացական գերատեսչությունների ներկայացուցիչների՝ բանակցություններին մասնակցելու պատրաստակամությունը խոսում Է Վրաստանի մտադրությունների լրջության մասին:
«Ես պատրաստ եմ նրանց հետ հանդիպել կամ հունվարի 28-ին, կամ փետրվարի 4-ին: Մենք անպայմանորեն պետք Է հանդիպենք: Հարկավոր Է հասկանալ միմյանց եւ գործել այդ ուղղությամբ»,-հունվարի 21-ին ասել Է Օնիշչենկոն ՌԻԱ Նովոստիին:
Հիշեցնենք, որ Ռոսպոտրեբնադզորը ռուսական շուկա վրացական գինիների եւ «Բորժոմի» հանքային ջրի ներկրումը արգելել Է 2006 թվականի գարնանը: Դա տեղի Է ունեցել վրաց-ռուսական հարաբերությունների սրվելուց հետո. արգելման պաշտոնական պատճառ Էր նշվել վրացական արտադրանքի ցածր որակը:
Աղբյուրը՝ armenpress.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться