Առաջարկվում է հավանություն տալ «ՀՀ կառավարության 2017 թվականի մարտի 30-ի № 473-Ա որոշման մեջ փոփոխություններ կատարելու մասին» ՀՀ կառավարության որոշման նախագծին, որի հիմնական նպատակն է հնարավորություն ստեղծել ներդրումներ ներգրավելու հողմային կայանների կառուցմամբ համար:
ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ
ՈՐՈՇՈՒՄ
«----» ------------------------- 2020 թվականի N---- Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ
ՄԱՐՏԻ 30-Ի N 473-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ
Մ Ա Ս Ի Ն
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդված
ների պահանջներով Հայաստանի Հանրապետության կառավարությունը ո ր ո շ ու մ է.
Հայաստանի Հանրապետության կառավարության 2017 թվականի մարտի 30-ի «Գերակա ոլորտում իրականացվող ներդրումային ծրագրի շրջանակներում հողամասերն առանց մրցույթի՝ վարձակալությամբ տրամադրելու համար «Աքսես Ինֆրա Սենթրալ Էյժա Լիմիթեդ» ընկերության կողմից ներկայացված հայտին հավանություն տալու մասին» № 473-Ա որոշման մեջ կատարել հետևյալ փոփոխությունները`
Որոշման 1-ին կետում «իրավունք» բառից հետո «3 տարի վարձակալության ժամկետ՝ մեկ տարի երկարաձգման հնարավորությամբ (եթե այդ ժամկետն անհրաժեշտ է Հայաստանի Հանրապետության կառավարությանը՝ ներկայացված ներդրումային ծրագրի քննարկման համար),» բառերը փոխարինել «3 տարի վարձակալության ժամկետը երկրաձգել մեկ տարով, որն անհրաժեշտ է Հայաստանի Հանրապետության կառավարությանը՝ ներկայացված ներդրումային ծրագրի քննարկման համար» բառերով, իսկ «2019» թիվը փոխարինել «2020» թվով։
2․ Սույն որոշումն ուժի մեջ է մտնում պաշտոնական հրապարակման հաջորդ օրվանից:
Հայաստանի Հանրապետության
վարչապետ Ն․ Փաշինյան
2020 թ. ——— — Երևան
ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՄԱՐՏԻ 30-Ի № 473 - Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ
1. Ընթացիկ իրավիճակը և իրավական ակտի ընդունման անհրաժեշտությունը
Սույն որոշման նախագծի ընդունման համար հիմք է հանդիսացել «Աքսես Ինֆրա Սենթրալ Էյժա Լիմիթեդ» ընկերության (Ընկերություն) կողմից ՀՀ տարածքային կառավարման և ենթակառուցվածների նախարարին ուղղված 2020 թվականի ապրիլի 21-ի գրությունը՝ դիմելու ՀՀ կառավարությանը՝ Ընկերության կողմից ներդրումային ծրագրի ներկայացման ժամկետը մեկ տարով երկարաձգելու խնդրանքով, որը հնարավորություն կտա Ընկերությանը նոր ավելի ցածր, ընդունելի սակագին ներկայացնելու։
2. Առաջարկվող կարգավորման բնույթը
Առաջարկվում է հավանություն տալ «ՀՀ կառավարության 2017 թվականի մարտի 30-ի № 473-Ա որոշման մեջ փոփոխություններ կատարելու մասին» ՀՀ կառավարության որոշման նախագծին, որի հիմնական նպատակն է հնարավորություն ստեղծել ներդրումներ ներգրավելու հողմային կայանների կառուցմամբ համար:
3. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը
ՀՀ տարածքային կառավարման և ենթակառուցվածքների նախարարություն։
4. Ակնկալվող արդյունքը
Հողմային կայանների կառուցման իրականացումը ուղղված է ՀՀ էներգետիկ անվտանգության և անկախության անհրաժեշտ մակարդակի բարձրացմանը, հողմաէներգետիկայի զարգացման պետական քաղաքականության և դրա իրագործման մեխանիզմների ապահովմանը, էներգախնայողությանը և վերականգնվող էներգետիկայի զարգացումը խթանող նոր արտադրությունների ստեղծմանը, ինչպես նաեւ շրջակա միջավայրի, մարդու առողջության վրա տեխնածին ազդեցությունների նվազեցմանը: Ներուժի յուրացման արդյունքում կունենանք շուրջ 525 մլն կՎտ.ժ էլեկտրաէներգիայի արտադրության:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться