Ապրիլի 22-ին Բաբկեն Թունյանի նախագահությամբ կայացել է ՀՀ ԱԺ տնտեսական հարցերի մշտական հանձնաժողովի արտահերթ նիստը, որի ընթացքում երկրորդ ընթերցմամբ քննարկվել է ՀՀ ԱԺ պատգամավոր Միքայել Մելքումյանի հեղինակած «ՀՀ հարկային օրենսգրքում» փոփոխություն եւ լրացում կատարելու մասին» օրենքի նախագիծը:
Հիմնական զեկուցող Միքայել Մելքումյանը նշել է, որ ՀՀ ԱԺ «Բարգավաճ Հայաստան» խմբակցությունը ներկայացրել է առաջարկ, ըստ որի արտակարգ իրավիճակի հիմքով հայտարարված արտակարգ դրության ընթացքում հարկ վճարողը կամ հարկային գործակալն ազատվում է պատասխանատվությունից, ինչպես նաեւ արգելվում է տույժերի հաշվարկումն ու կիրառումը հայտարարված արտակարգ դրության եւ դրա ավարտից հետո 3 ամսվա ընթացքում:
ՀՀ ԱԺ «Լուսավոր Հայաստան» խմբակցությունն առաջարկել է արտակարգ դրության պայմաններում տնտեսվարողների չկատարած հարկային պարտավորությունների պատճառով երկրորդ, երրորդ եռամսյակների համար տույժ չհաշվարկել:
ՀՀ պետական եկամուտների կոմիտեի նախագահ Դավիթ Անանյանը նշել է, որ առաջարկների ընդունման պարագայում կառաջանա իրացման խնդիր:
Օրենքի նախագիծը ստացել է դրական եզրակացություն՝ առանց ներկայացված առաջարկների, որոնք քվեարկությամբ մերժվել են:
parliament.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться