Ներկա պահին շինարարական նյութերի որակի կարգավորման ուղղությամբ նոր չափանիշների ներմուծման աշխատանքներ են տարվում, «ԱՌԿԱ» գործակալությանն ասաց շինարարական նյութերի հավատարմագրմամբ և թեստավորմամբ զբաղվող «Պ.Աբաջյան» ընկերության փորձագետ Մարտին Եղիազարյանը:
«Քննարկվում է 20 նոր չափանիշների ընդունումը, իսկ բետոնի համար ավելացումների որակը կարգավորող չափանիշը կարող է սկսել գործել հաջորդ տարվանից»,- ասաց Եղիազարյանը:
Ընկերության փորձագետները երեքշաբթի ասուլիսի ժամանակ ասացին, որ Հայաստանում շինարարական նյութերը բավական որակյալ չեն, թեև բավարարում են որոշ չափանիշների:
«Պ.Աբաջյան» ընկերության տնօրեն Փիրուզա Աբաջյանը նշեց, որ շինարարական նյութերի որակի հետ կապված հիմնական խնդիրը համապատասխան կանոնակարգերի բացակայությունն է, որոնք կարգավորում են շինարարական նյութերի մեծամասնության որակը:
«Մենք չպետք է բավարարվենք նման մակարդակով, քանի որ գործ ունենք մարդկային ռեսուրսի հետ, որը շատ թանկ է մեզ համար»,- ասաց նա՝ պատասխանելով «ԱՌԿԱ» գործակալության հարցին:
Ըստ Աբաջյանի՝ ներկա պահին Հայաստանում գործում է ընդամենը չորս կանոնակարգ, որոնք կարգավորում են ցեմենտի, բետոնի, արմիրացված պողպատի, սինթետիկ լաքերի և ներկերի, ինչպես նաև շինարարական ապակու որակը:
«Ինչ վերաբերում է շինարարական նյութերի մնացած բոլոր տեսակներին, ապա դրանց որակը կարգավորվում է միայն պետական չափանիշներով: Սակայն այդ չափանիշներին հետևելը Հայաստանում կամավոր է իրականացվում»,- պարզաբանեց Աբաջյանը:
Այդ կապակցությամբ ընկերության տնօրենը նշեց, որ անհրաժեշտ է նոր կանոնակարգեր ընդունել, որոնք կարգավորում են բոլոր տեսակի շինարարական նյութերի որակը, մասնավորապես՝ խճաքարի (որը կիրառվում է բետոնը պատրաստելիս), ավազի և բետոնի:
Աղբյուրը՝ www.arka.am
Լուսանկարը՝ www.arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться