Հյուրատունը դառնալու է էկո, գաստրո, ագրո, էքստրիմ տուրիզմով հետաքրքրվողների համար հիանալի վայր, որտեղ կգտնեն իրենց հետաքրքրությունները բավարարող տարատեսակ զբաղմունքներ:
Ու քանի որ տարածաշրջանում բնական շինանյութերի արդյունահանմամբ են զբաղվում՝ զբոսաշրջիկներին առաջարկելու են վարպետության դասեր քարից ստեղծագործական աշխատանքներ կատարելու համար: Սա ոչ միայն զբոսաշրջության զարգացման, այլ նաև արհեստների պահպանման նպատակ ունի:
Հյուրատան բացման արարողության մասնակիցներին ողջունել է Շիրակի մարզպետ Տիգրան Պետրոսյանը և նշել, որ Արագածի արևմտյան ստորոտում տեղակայված գյուղն ունի զբոսաշրջության զարգացման մեծ ներուժ. «Երկար տարիներ խոսվում էր ու թվում էր, թե այս տարածաշրջանի զարգացումը պետք է շատ դժվար խնդիր լինել, բայց այսօր եղած ներուժը առավելությունների է վերածվելու մեր համայնքերի համար: Միջավայրը յուրահատուկ է թե՛ հանգստի պայմաններով, թե՛ ստեղծագործական մոտեցումով: Վստահ եմ՝ Պեմզաշենում ունենալու ենք տուրիստական մեծ հոսք և այն վարակիչ է լինելու»:
Նշենք, որ տեղում կազմակերպվելու են նաև չեչիլ պանրի, քարե թռչնատառերի, ինչպես նաև չրերի պատրաստման վարպետության դասեր: Նախաձեռնությունն իրականացվել է ՄԱԿ-ի զարգացման «Ինտեգրված գյուղական զբոսաշրջության զարգացում» ծրագրի շրջանակներում:
shirak.mtad.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться