Գործող օրենսդրությունը վերանայելու օբյեկտիվ անհրաժեշտություն է առաջացել: Այս մասին մարտի 6-ին ԱԺ նիստում «Հասարակական կազմակերպությունների մասին» օրենքում փոփոխություններ կատարելու մասին օրինագծի քննարկման ընթացքում հայտարարեց ՊԵԿ նախագահ Դավիթ Անանյանը:
Նրա խոսքով՝ խնդիր է դրվել ապահովել հանրային հաշվետողականության բարձր մակարդակը:
Անանյանը պարզաբանեց, որ գործող կարգավորումների պայմաններում գործունեության մասին ամենամյա հաշվետվությունը ներկայացնում են միայն այն ՀԿ-ները, որոնք հանրային միջոցներից ֆինանսավորում են ստանում: Այսուհետ բոլոր ՀԿ-ները պարտավոր կլինեն ՊԵԿ-ին տարեկան հաշվետվություն ներկայացնել՝ անկախ ֆինանսավորման աղբյուրներից:
Տվյալ օրինագծով հստակեցվում են նաեւ հաշվետվությունում նշված տեղեկատվության վերաբերյալ պահանջները: Այսպես, ՀԿ-ն, որը հանրային միջոցներից ֆինանսավորում է ստանում, պետք է ոչ միայն բացահայտի ծրագրերը, որոնց շրջանակում ստանում է տվյալ ֆինանսավորումը, այլ նաեւ նշի ֆինանսավորման աղբյուրները: Մնացած ՀԿ-ները ՊԵԿ լիազորված մարնին տեղեկատվություն կներկայացնեն ծրագրերի մասին, որոնց շրջանակում ստացել են գումարային եւ գույքային միջոցներ՝ առանց ֆինանսավորման աղբյուրները նշելու:
Բացի այդ, եթե գործող կարգավորումների պայմաններում ՀԿ-ները տարեկան հաշվետվությունում նշում են իրենց անդամների եւ կամավորների թիվը տարվա սկզբին, ապա այժմ նրանք պարտավոր են ներկայացնել թիվը տարեվերջյան զեկույցում: Ընդ որում, հարկային մարմինը կպահանջի նշել ՀԿ-ում առնվազն 20 ժամ աշխատող կամավորների եւ նրա հետ պայմանագրային աշխատանքային հարաբերություններ ունեցողների թիվը:
news.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться