• Armenianeconomy.com

Գեղարքունիքի մարզպետարանում կայացավ սպանդանոցների կառուցման եւ շահագործման ընթացակարգերի հետ կապված հերթական քննարկումը

Գեղարքունիքի մարզպետարանում մարզի համայնքների ղեկավարների, ֆերմերային տնտեսությունների, անանսաբույժների, մսի առքուվաճառքով զբաղվողների, սպանդանոցների կառուցմամբ ու շահագործմամբ հետաքրքրված ֆիզիկական անձանց մասնակցությամբ տեղի ունեցավ հերթական հանդիպում-քննարկումը, որը վարեցին Գեղարքունիքի մարզպետ Գնել Սանոսյանը եւ ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը: Քննարկումը նվիրված էր հանրապետությունում 2020 թվականի հուլիսի 1-ից սպանդանոցային մորթի անցնելու հետ կապված ընթացակարգային հարցերի պարզաբանմանը: Բացելով հանդիպումը՝ Գեղարքունիքի մարզպետ Գնել Սանոսյանը նշեց, որ սպանդանոցային մորթի անցնելու որոշման կատարումն այլընտրանք չունի, եւ շատ հստակ է, որ այս տարվա հուլիսի 2-ից պետք է իրականացվի կառավարության որոշումը: «Մինչեւ հուլիսի 1-ը մենք համատեղ պետք է այնպիսի լուծումներ գտնենք, որ բոլոր կողմերին այն բավարարի՝ սկսած անասնապահներից, անասունների առքուվաճառքով զբաղվողներից, բիզնես շահերով հետաքրքրվողներից եւ վերջացրած մսամթերք սպառող քաղաքացիներով: Մենք բազմաթիվ դեպքեր ենք ունեցել մեր մարզում, երբ սպանդի են ենթարկվել ու վաճառվել տարբեր անասնահամաճարակներով հիվանդ անասուններ՝ վարակելով բազմաթիվ քաղաքացիների: Սպանդանոցային մորթի անցնելու որոշումն ընդունվել է, որպեսզի այս ոլորտում վիճակը լինի վերահսկելի, մարդկանց մատակարարվի միայն եւ միայն անվտանգ ու որակյալ մսամթերք: Այդ պատճառով էլ առաջիկա ժամանակահատվածը մենք պետք է խելամտորեն ու արդյունավետ օգտագործենք, համատեղ ու բանավիճային կարգով վեր հանենք բոլոր խնդիրները՝ իրատեսական որոշումներ կայացնելու նպատակով: Ընդ որում, այս հարցում պետք է համագործակցված աշխատեն շահագրգիռ բոլոր կառույցներն ու ֆիզիկական անձինք»,-հանդիպման մասնակիցներին դիմեց մարզպետ Գնել Սանոսյանը:
Օրակարգային թեմայի շուրջ պարզաբանումներով ու ելույթներով հանդես եկավ ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը. « Ես համոզված եմ, որ այստեղ հավաքվածները հիմնականում շահագրգռված են սպանդանոցային մորթի բիզնեսով զբաղվելու համար: Մենք պետք է համատեղ աշխատանքում անենք հնարավորը, որպեսզի կարգավորվեն բոլոր խնդիրները, իսկ այս գործընթացից շահեն բոլոր կողմերը: Վերլուծությունը ցույց է տալիս, որ սպանդանոցների հիմնմամբ շահագրգռված անձանց թիվը սպասվածից շատ է, ինչը հուշում է սպասվող մրցակցության ծավալման մասին: Դրա համար հարկավոր է պետական մարմինների հետ աշխատել համագործակցված ու մշտապես՝ ձախողումներից ու անհարկի ծախսերից զերծ մնալու համար: Սպանդանոցային մորթի անցնելու եւ անասունների համարակալման խնդիրը լուծելուց հետո մենք այլեւս զերծ կմնանք այն բազմաթիվ անցանկալի երեւույթներից, որոնց պատճառով վտանգվում է մարդկանց առողջությունը, անասնահամաճարակների բռնկման դեպքերը հաճախակի են արձանագրվում»,-նշեց տեսչության պետը: Այնուհետ մարզպետը եւ տեսչության պետը պատասխանեցին հանդիպման մասնակիցների բազմաբնույթ հարցերին, որոնք առնչվում էին սպանդանոցային մորթ իրականացնելու կարգին, սպանդանոցներ բացելու համար սահմանված չափորոշիչներին, ոլորտում իրականացվող հարկային քաղաքականությանը, շարժական սպանդանոցների գործունեության կարգին, սպանդանոցային մորթի ենթակա անասնագլխաքանակի տեղափոխման ու իրացման, վերահսկման, արտոնագրի տրամադրման հետ կապված խնդիրներին: Բոլոր հարցերին տալով համոզիչ պատասխաններ՝ բանախոսները հավաստիացրեցին, որ հետագա քննարկումները կշարունակվեն հաճախակի, իսկ մարզպետարանի եւ տեսչության պատասխանատուները հանդիպումներ կունենան տեղերում, կկատարեն համապատասխան ուսումնասիրություներ, կտրամադրեն մասնագիտական խորհրդատվություններ: Հանդիպման ավարտից հետո Գեղարքունիքի մարզպետարանի եւ ՀՀ սննդամթերքի անվտանգության տեսչական մարմնի ներկայացուցիչները համատեղ այց կատարեցին Ճամբարակ համայնք՝ տեղում ուսումնասիրելու ֆիզիկական անձանց կողմից ներկայացված դիմումները՝ սպանդանոցային մորթի իրականացման համար արտոնագիր տրամադրելու խնդրանքով:

gegharkunik.mtad.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Գյուղատնտեսություն
• Էկոնոմիկայի նախարարություն. կոնյակի գործարանները ինքնարժեքից ցածր գնով խաղող չեն գնում• Հավաստագրված ցորենի սերմ գնելու դեպքում պետությունը գյուղացուն սուբսիդավորում է խոստանում• Տիգրան Խաչատրյանը և ԱՀ գյուղնախարար Աշոտ Բախշիյանն այցելել են ժամանակակից սարքավորումներով հագեցած ջերմատնային տնտեսություն և «խելացի» անասնաշենք• Արման Խոջոյանը Արարատի մարզում հետևել է խաղողի մթերումների ընթացքին• «Արմենիա Վայն» ընկերությունում մեկնարկել է խաղողի մթերումը․Տիգրան Խաչատրյանը հետևել է մթերման վերահսկման թվայնացված համակարգին• Խաղողագործները բողոքի ակցիայի են ելել. Խաղաղը մթերման գինը 150-ից դարձրել են 135 դրամ• Վերամշակողներին մթերման համար կհատկացվի մինչև 3 միլիարդ դրամ• «Համայնքների գյուղատնտեսական ռեսուրսների կառավարման և մրցունակության» 2-րդ ծրագիրը նոր հնարավորություններ կստեղծի վերամշակող կազմակերպությունների համար• Կորոնավիրուսի տնտեսական հետևանքների չեզոքացման 24-րդ ծրագիր
Լուրեր մարզերից
• ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին• Մեկնարկել է «ԴԱՏԱ. տվյալներ հաշվետու և թափանցիկ գործունեության համար» (ԴԱՏԱ) ծրագիրը• Աչքի անվճար զննումներ 18 տարեկանից բարձր բնակչության համար• Արարատի գինու գործարանում նոր ներդրումներ են արվում, վերազինվում են արտադրական սարքավորումները. Տիգրան Խաչատրյանն այցելել է արտադրամաս• Սպանդանոցային մորթի անցումն անդառնալի գործընթաց է, որն այլընտրանք չունի․ Գ․ Ավետիսյան• ՀՀ Վայոց ձորի մարզպետարանում քննարկվեց մարզում արտադրվող խաղողի բերքի իրացմանը վերաբերող հարցեր• Շիրակի մարզպետի տեղակալը հետևել է Գյումրիում և Ախուրյանում իրականացվող ճանապարհաշինարարական աշխատանքների ընթացքին• ՀԱՅՏԱՐԱՐՈՒԹՅՈՒՆ ՄԵԿՆԱՐԿՈՒՄ Է «ՄԻԱՍԻՆ» ՆԱԽԱԳԻԾԸ• Արագածոտնի մարզում շինարարական եռուզեռ է. կառավարություն-համայնք համաֆինանսավորմամբ սուբվենցիոն ծրագրեր են իրականացվում

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն