• Armenianeconomy.com

Մարզպետ Դավիթ Գևորգյանը հանդիպել է սպանդանոցներ կառուցելու մտադրություն ունեցող անձանց հետ

04 փետրվարի 2020 | Լուրեր մարզերից | Цитата

ՀՀ Արագածոտնի մարզպետ Դավիթ Գևորգյանը հանդիպել է մարզում սպանդանոցներ կառուցելու մտադրություն ունեցող անձանց հետ:
Քննարկմանը մասնակցել են Սննդամթերքի անվտանգության տեսչական մարմնի Արագածոտնի մարզային կենտրոնի պետ Գևուշ Նազարյանը և Արագածոտնի մարզի համայնքներում սպանդանոցային գործունեությամբ զբաղվել ցանկացող 26 պոտենցիալ ներդրողներ:
Հանդիպումը կրել է խորհրդատվական բնույթ: Այս ձևաչափով քննարկման նպատակն էր գնահատել նոր սպանդանոցներ ստեղծելու հնարավորությունները, հասկանալ մարզի համայնքներում դրանց հնարավոր սփռվածությունը:
Արագածոտնի մարզում հաշվառված է շուրջ 730.000 անասուն, որի 67.000-ը խոշոր եղջերավոր կենդանիներ են, 20.000՝ խոզեր, 77.000՝ ոչխարներ և այծեր (մնացածը՝ թռչուններ):
Նախնական մոնիթորինգի արդյունքներով այս ծավալն ամբողջությամբ սպասարկելու համար մարզում նվազագույնը 13 սպանդանոցի պահանջարկ կա: Այս պահին Արագածոտնի մարզում առկա է 2 սպանդանոց՝ Ապարանում և Թալինում, ևս 11-ը կառուցելու անհրաժեշտություն է առաջացել: Աշտարակի տարածաշրջանին անհրաժեշտ է նվազագույնը 4, որոնք կսպասարկեն նաև Թալինի տարածաշրջանի 7 համայնքներ, Ապարանի և Թալինի տարածաշրջաններին 4-ական, իսկ Արագածի տարածաշրջանին՝ 3 սպանդանոցներ:
Հանդիպման ընթացքում մարզպետը թվարկել է բակային մորթի ռիսկերը և շեշտել, որ սպանդանոցներում մորթի կազմակերպումը նպատակ ունի սպառողներին մատակարարել որակյալ ու անվտանգ մսամթերք: Նա ընդգծել է, որ ծրագրի նպատակներին լիարժեք հասնելու համար ոլորտում խիստ վերահսկողություն է իրականացվելու: Հսկողությունը առավել քան խիստ է լինելու անասնաբույժ-փորձագետների գործունեության և հատկապես մսամթերքը ուղեկցող փաստաթղթերի օրինականության նկատմամբ: Իրավախախտների հանդեպ էլ կառավարությունը անզիջում է գտնվելու:
Մասնակիցներին է ներկայացվել գործունեության այս տեսակի համար անհրաժեշտ օրենսդրական բոլոր պահանջները, դրանց կատարման ժամկետները և պետական աջակցության ծրագրերը:
Մարզպետը նշել է, որ մարզպետարանը գործի է դնելու բոլոր կարողությունները մինչև սպանդանոցային պարտադիր մորթի նորմի ուժի մեջ մտնելը Արագածոտնի մարզի ողջ տարածքը սպանդանոցների անհրաժեշտ քանակով ապահովելու համար: Անասնապահների և սպանդանոցների համար ստեղծվելու են լիարժեք հնարավարություն՝ մորթը երկուստեք բարենպաստ պայմաններով իրականացնելու համար: Նա հավաստիացրել է, որ մարզպետարանը պատրաստակամ է բոլորին տրամադրել անհրաժեշտ իրավական և տեխնոլոգիական օգնություն, աջակցել սպանդանոցի վայրի ընտրության, շենք-շինությունների ձեռքբերման, փաստաթղթերի կազմման և կազմակերպչական այլ հարցերում:
Մասնակիցները բարձրացրել են հարկային պարտավորությունների, արտոնյալ պայմաններով վարկավորման, պետության կողմից տրամադրվելիք աջակցության, շինությունների նախագծման, տեխնիկական պայմանների, շուկայում մրցակցության, շարժական սպանդանոցների, ֆերմայի սեփական կարիքների համար կառուցվող սպանդանոցների աշխատանքները կազմակերպելու և ոլորտային այլ հարցեր, որոնց մարզպետ Դավիթ Գևորգյանը և ՍԱՏՄ Արագածոտնի մարզային կենտրոնի պետ Գևուշ Նազարյանը սպառիչ պատախաններ են տվել:
Ոլորտի վերաբերյալ ամբողջական տեղեկատվություն ստանալու համար կարող եք դիմել ՀՀ Արագածոտնի մարզպետարանի գյուղատնտեսության և բնապահպանության վարչություն / 0232-3-30-25/ և ՍԱՊՏ Արագածոտնի մարզային կենտրոն / 077-07-77-62 /:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր մարզերից
• ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին• Մեկնարկել է «ԴԱՏԱ. տվյալներ հաշվետու և թափանցիկ գործունեության համար» (ԴԱՏԱ) ծրագիրը• Աչքի անվճար զննումներ 18 տարեկանից բարձր բնակչության համար• Արարատի գինու գործարանում նոր ներդրումներ են արվում, վերազինվում են արտադրական սարքավորումները. Տիգրան Խաչատրյանն այցելել է արտադրամաս• Սպանդանոցային մորթի անցումն անդառնալի գործընթաց է, որն այլընտրանք չունի․ Գ․ Ավետիսյան• ՀՀ Վայոց ձորի մարզպետարանում քննարկվեց մարզում արտադրվող խաղողի բերքի իրացմանը վերաբերող հարցեր• Շիրակի մարզպետի տեղակալը հետևել է Գյումրիում և Ախուրյանում իրականացվող ճանապարհաշինարարական աշխատանքների ընթացքին• ՀԱՅՏԱՐԱՐՈՒԹՅՈՒՆ ՄԵԿՆԱՐԿՈՒՄ Է «ՄԻԱՍԻՆ» ՆԱԽԱԳԻԾԸ• Արագածոտնի մարզում շինարարական եռուզեռ է. կառավարություն-համայնք համաֆինանսավորմամբ սուբվենցիոն ծրագրեր են իրականացվում

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն