ՀՀ Ազգային ժողովի աշխատակազմի ղեկավար-գլխավոր քարտուղար Տիգրան Գալստյանը հունվարի 26-ին Ծաղկաձորում մասնակցել է Արեւելյան գործընկերության երկրների խորհրդարանների աշխատակազմերի համար կազմակերպված` «Ժամանակակից տեխնոլոգիաների կիրառումը խորհրդարանների վերլուծական, փորձագիտական եւ հետազոտական գործունեության մեջ» խորագրով սեմինարի փակման արարողությանը:
Ողջունելով սեմինարին մասնակցող Վրաստանի, Բելառուսի, Ուկրաինայի եւ Մոլդովայի խորհրդարանների աշխատակիցներին՝ Տիգրան Գալստյանն ընդգծել է սեմինարի թեմայի կարեւորությունը եւ վստահեցրել, որ մասնակիցների միջեւ լավագույն փորձի փոխանակումը եւ ժամանակակից տեխնոլոգիաների ու մեթոդների կիրառումը կխթանեն խորհրդարանների վերլուծական, հետազոտական եւ փորձագիտական գործառույթ իրականացնող կառուցվածքային ստորաբաժանումների արդյունավետությունը:
Իր ելույթում Տիգրան Գալստյանը բարձր է գնահատել Գերմանիայի միջազգային համագործակցության (ԳՄՀԸ) հայաստանյան գրասենյակի դերը Արեւելյան գործընկերության երկրների խորհրդարանների աշխատակազմերի գլխավոր ցանցի զարգացման եւ այդ ցանցի շրջանակներում իրականացվող միջոցառումների օժանդակման գործում: Նա նաեւ շնորհակալություն է հայտնել սեմինարի քննարկումներին մասնակցած՝ Հայաստանի պետական տնտեսագիտական եւ Հայաստանի ամերիկյան համալսարանների դասախոսներին:
parliament.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться