• Armenianeconomy.com

Մեկնարկել են փոքր և միջին ջերմատնային տնտեսությունների ներդրման ծրագրի դասընթացները

21 հունվարի 2020 | Սեմինարներ, Տնտեսություն | Цитата

Հունվարի 20-ին Երևանում մեկնարկել են «Փոքր և միջին ջերմատնային տնտեսությունների ներդրման պետական աջակցության ծրագրի» շրջանակներում կազմակերպված ուսուցողական դասընթացները, որոնք վարում են «Ագրոբիզնեսի հետազոտությունների և կրթության միջազգային կենտրոն» (ICARE) հիմնադրամի մասնագետները: Դասընթացների ավարտին մասնակիցներին կտրամադրվեն համապատասխան հավաստագրեր:

Ողջունելով դասընթացի մասնակիցներին՝ ՀՀ էկոնոմիկայի նախարարության գյուղատնտեսական ծրագրերի մշակման, ռեսուրսների օգտագործման և կոոպերացիայի զարգացման վարչության պետ Իռա Փանոսյանը համառոտ ներկայացրել է ծրագրի հիմնական դրույթները և հույս հայտնել, որ այն կունենա բարեհաջող ընթացք: Նրա խոսքով՝ նախարարությունն արդեն իսկ ստացել է ծրագրին մասնակցելու 46 հայտ հանրապետության բոլոր մարզերից, մասնակիցների թվում քիչ չեն նաև սկսնակ ֆերմերները:

Դասընթացների տևողությունը 12 օր է. տասնօրյա տեսական դասընթացների ընթացքում ICARE հիմնադրամի ներկայացուցիչներն ապագա ջերմոցատերերին տեսական գիտելիքներ կփոխանցեն գրունտային և հիդրոպոնիկ ջերմատների շահագործման հիմունքների, ջերմատնային հիմնական մշակաբույսերի մշակության տեխնոլոգիաների և հարակից այլ թեմաների վերաբերյալ: Եվս 2 օր նախատեսված է գործնական պարապմունքների համար, որոնց ժամանակ մասնակիցները տեղում կծանոթանան ժամանակակից ջերմոցային տնտեսություննների գործունեությանը, ջերմատան կառավարման համակարգերին և ջերմատան պայմաններում մշակաբույսերի մշակությանը:

Դասընթացների անցկացման համար ICARE հիմնադրամի ընտրությունը պայմանավորված է ջերմատնային տնտեսությունների կառավարման ոլորտում մասնագետների դասավանդման հարուստ փորձով:

«Այս ծրագրում մենք հիմնական շեշտը դրել ենք փոքր և միջին ջերմատնային տնտեսությունների կառուցման վրա, քանի որ մեր ռազմավարության հիմնական թիրախը փոքր և միջին գյուղացիական տնտեսություններն են», - նշել է Իռա Փանոսյանը: Նա հավելել է, որ ծրագրի շրջանակում կազմակերպվող դասընթացները կրում են ոչ միայն ուսուցողական բնույթ, այլև միտված են կապ հաստատել մասնագետների և ոլորտում գործունեություն ծավալող ֆերմերների միջև, որպեսզի անհրաժեշտության դեպքում  վերջիններս կարողանան ստանալ մասնագիտական խորհրդատվություն:  

Փոքր և միջին ջերմատնային տնտեսությունների ներդրման ծրագրի նպատակն է փոքր և միջին  ջերմատների կառուցման և դրանց տեխնոլոգիական ապահովման պետական աջակցության միջոցով ավելացնել ջերմատնային տնտեսությունների մակերեսն ու արտադրության ծավալները, բարձրացնել արտադրանքի մրցունակության մակարդակը, նպաստել գյուղատնտեսությունում տնտեսավարողների եկամուտների ավելացմանը։

mineconomy.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսություն
• Գործարար միջավայրի բարելավման աշխատանքները շարունակվում են• Հայկ Չոբանյանն ու Վաղարշակ Հարությունյանը քննարկել են ռազմարդյունաբերության ոլորտին առնչվող մի շարք հարցեր• ՏՄՊՊՀ նախագահն անդրադարձավ ձվի շուկայում տեղի ունեցող գործընթացներին• Եթե պետգնումների ժամանակ 50%-ից ավելին լինի տեղական արտադրության ապրանք, ապա պետությունը 1 տոկոսի չափով կսուբսիդավորի• Հայաստանի ապագան տեխնոլոգիական զարգացման, գիտահենք տնտեսության կառուցման մեջ է. աշխատանքային քննարկում ՆՁԱԿ-ում• «Այս տարի կունենանք աշխատանքային օրենսդրության խախտումներին արձագանքող կատարելագործված համակարգ»․ Ռուբեն Սարգսյան• Ամփոփվել են «ՓՄՁ-ներին աջակցություն և հայկական տեքստիլ արդյունաբերության համար կայուն էկո-համակարգի ստեղծում» ծրագրի արդյունքները• Քննարկվել են Հայաստանի հին և ժամանակակից գինեգործության ներկայացմամբ զբոսաշրջության զարգացման հնարավորությունները• Արցախցիները «Հայաստան»-ի աջակցությամբ սնունդ ու անկողնային պարագաներ են արտադրում արցախցիների համար

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն