Հայաստանի էկոնոմիկայի նախարարությունը գործադրում է բոլոր անհրաժեշտ ջանքերը, ինչպես պաշտոնական, այնպես էլ ոչ պաշտոնական, որպեսզի իրանական 52 անուն ապրանքատեսակների համար սահմանված էմբարգոն չտարածվի Հայաստանի վրա: Այդ մասին դեկտեմբերի 26-ին Երևանում ամփոփիչ մամլո ասուլիսում հաղորդել է Հայաստանի էկոնոմիկայի նախարար Տիգրան Դավթյանը: Սակայն, նրա խոսքով, դա բավական բարդ է անել, քանի որ, եթե երկիրը կիրառում է ինչ-որ ռեժիմ, ապա դա վերաբերվում է բոլոր գործընկերներին: «Շատ բարդ է առանձնահատուկ վերաբերմունք ստանալ առանձին երկրի համար»,- ասել է նա:
Միաժամանակ, ինչպես հաղորդել է նախարարը, աշխատանքներ են տարվում մասնավոր բիզնեսի հետ այդ արտադրանքի ներկրման այլընտրանքային աղբյուրներ որոնելու համար, մասնավորապես, ԵՄ և ԱՊՀ երկրներից:
Նոյեմբերի սկզբին Իրանի Իսլամական Հանրապետությունը դադարեցրել է 52 անվանում ապրանքատեսակների արտահանումը արտերկիր, որի պատճառով շուրջ երկու շաբաթ ընդհատվել է պոլիմերային հումքի (պոլիէթիլեն, պոլիպրոպիլեն, պոլիստիրոլ) ներկրումը Հայաստան, ինչը խիստ բացասաբար է անդրադարձել հատկապես սննդարդյունաբերության և գյուղատնտեսության ոլորտների վրա։
Նա նաև հաղորդել է, որ հանդիպում է անցկացրել հայ ձեռնարկատերերի հետ և նրանք հաղորդել են, որ արդեն գտել են անհրաժեշտ հումքի այլ մատակարարների: «Դա առավել ճիշտ մոտեցում է' ունենալ պահեստային այլընտրանքներ, չնայած նրան, որ կարող են լինել որոշ գնային փոփոխություններ, բայց չեմ կարծում, որ դա զգալիորեն կանդրադառնա գնային քաղաքականության վրա»,- հավելել է Դավթյանը:
Աղբյուրը՝ www.panarmenian.net
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться