2009թ.–ից մինչ օրս Հայաստանում իրականացվել է ТAIEX–ի ավելի քան 70 ծրագիր, ինչպես նաև իրականացման գործընթացում է գտնվում TWINNING–ի 18 ծրագիր, ասաց ՀՀ էկոնոմիկայի փոխնախարար Գարեգին Մելքոնյանը։
«Հայաստանում իրականացվող TWINNING–ի և ТAIEX–ի ծրագրերի քանակը տարեկան աճում է»,– ուրբաթ լրագրողներին ասաց նա։
Այդ կապակցությամբ նա պարզաբանեց, որ եթե 2010 և 2011 թվականներին հանրապետությունում իրականացվել է Тaiex–ի 20–ական ծրագիր, ապա 2012թ.–ին դրանց թիվը աճել է' հասնելով 30–ի։
Ինչ վերաբերում է Twinning–ի ծրագրերին, ապա ըստ Մելքոնյանի' դրանց թիվը նույնպես էապես աճել է։ Այսպես, եթե 2010–ին իրականացվել է ընդամենը մեկ ծրագիր, ապա 2011.–ին' երեք ծրագիր, իսկ արդեն 2012թ.–ին հանրապետությունում արդեն մեկնարկել է վեց ծրագիր։
Փոխնախարարը պարզաբանեց, որ TWINNING–ի և ТAIEX–ի ծրագրերը մշակելիս հատուկ ուշադրություն է հատկացվում դրանցում տնտեսության տարբեր ոլորտների ներառմանը, այդ թվում' սննդամթերքի անվտանգության պաշտպանությանը, ինտելեկտուալ սեփականության պաշտպանությանը, ապրանքների որակի վերահսկմանը, ինչպես նաև մաքսային վարչարարությանը։
Մելքոնյանը նշեց նաև, որ Գերմանիայի մասնակցությամբ հանրապետությունում Тaiex–ի և Twinning–ի չորս ծրագիր է իրականացվում, Ւսպանիայի, Լիտվայի և Դանիայի մասնակցությամբ' երեքական ծրագիր, Ֆինլանդիայի, Լատվիայի և Հունաստանի' երկուական ծրագիր, իսկ Նիդեռլանդների, Մեծ Բրիտանիայի, Շվեդիայի, Ֆրանսիայի և Լեհաստանի' մեկական ծրագիր։
Նա տեղեկացրեց նաև, որ 2013–2014 թվականներին հանրապետությունում կշարունակվի TWINNING–ի և ТAIEX–ի նոր ծրարերի մշակումն ու իրականացումը։
TAIEX–ը Եվրահանձնաժողովի տեխնիկական աջակցության և տեղեկատվության փոխանակման գործիք է, որը կենտրոնացված կարգով կարճաժամկետ (առավելագույնը' հինգ աշխատանքային օր) տեխնիկական օգնություն է ցուցաբերում ԵՄ–ի չափանիշներին երկրի օրենսդրությունը մոտեցնելու համար' դրա կիրառման հաջորդ ապահովմամբ։ TAIEX–ի ծրագրերը Հայաստանում իրականացվում են 2009թ.–ից։
TWINNING–ի ծրագրերը Եվրոպական հարևանության մեխանիզմի և համագործակցության շրջանակներում Հայաստանում իրականացվում են նույնպես 2009թ.–ից։ Այդ մեխանիզմի նպատակն է պետական կառույցներում ինստիտուցիոնալ բարեփոխումները' ԵՄ չափանիշներին և գործող մոդելներին համապատասխան, Հայաստանի օրենսդրական դաշտի մոտեցումը ԵՄ–ի համընդհանուր օրենսդրությանը։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться