Հայաստանի եւ Իրանի միջեւ բարիդրացիական բազմակողմանի հարաբերություններ են ձեւավորվել՝ հիմնված երկու ժողովուրդների բազմադարյա բարեկամության վրա։ Այս մասին երեւանում Իրանի ԱԳ նախարար Մոհամմադ Ջավադ Զարիֆի հետ համատեղ ճեպազրույցի ժամանակ ասել է ՀՀ ԱԳ նախարար Էդվարդ Նալբանդյանը։
Նախարարը նշեց, որ երկու երկրների ղեկավարների միջեւ նույնպես ջերմ կառուցողական հարաբերություններ են, պարբերաբար բարձր մակարդակով այցեր եւ հանդիպումներ են ընթանում։ Ինտենսիվ հանդիպումներ են ընթանում նաեւ ԱԳ նախարարների միջեւ, այդ թվում՝ միջազգային հարթակներում։
ՀՀ ԱԳ նախարարը նշել է նաեւ, որ դիվանագիտական հարաբերությունների հաստատման 25-ամյա տարեդարձին կարելի է գոհունակությամբ արձանագրել՝ հարաբերությունները դինամիկ զարգանում են՝ ընդգրկելով նորանոր ոլորտներ։ Սակայն ներուժն ավելին է, եւ համատեղ ջանքերով անհրաժեշտ է ամրապնդել եւ ընդլայնել համագործակցությունը։
ԱԳ նախարարը տեղեկացրել է, որ բանակցությունների ընթացքում կողմերը քննարկել են երկու երկրների նախագահների միջեւ պայմանավորվածությունների եւ որոշ ծրագրերի իրականացումը։ Նշվել է ԱԳՆ–ների միջեւ խորհրդակցությունների անցկացման կարեւորությունը։ Համագործակցության կարեւորագույն ուղղությունների թվում են էներգետիկան եւ հաղորդակցությունը։ Նախարարը նշել է, որ է վիզային ռեժիմի ազատականացումից հետո զբոսաշրջիկների հոսքն աճել է։ Կողմերը քննարկել են միջկառավարական հանձնաժողովների նիստերի անցկացումն ու ԵՏՄ–ի հետ համագործակցությունը, ինչպես նաեւ տարածաշրջանային եւ միջազգային հարցեր՝ անդրադառնալով Մերձավոր Արեւելքին եւ Իրանի միջուկային ծրագրին։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться