Եվրամիությունն ամփոփում է 2012թ.-ին Հայաստանում իրականացրած իր գործունեությունը՝ բարձր գնահատելով Հայաստանի հետ փոխհարաբերություններում ձեռք բերված արդյունքները: Հայաստանը դրական արդյունքներ է գրանցել նաեւ «ավելին ավելիի դիմաց» սկզբունքով իրականանացվող մի շարք ծրագրերով: Այս մասին դեկտեմբերի 18-ին լրագրողների հետ հանդիպման ժամանակ հայտարարեց Եվրոպական Միության խորհրդատվական խմբի ղեկավար Ուիլեմ Վան Դեր Գիստը:
«2012թ.-ին Հայաստանը և Եվրոպական Միությունը մի շարք կարևոր ձեռքբերումներ են ունեցել: Առաջընթաց է արձանագրվել ոչ միայն ընդհանուր մակարդակով, այլ նաև առանձին ոլորտներում, մասնավորապես, հաստատվել է մարդու իրավունքերի պահպանման ռազմավարությունը, Մարդու իրավունքերի պաշտպանի գրասենյակի կողմից բացվել են վեց տարածքային գրասենյակներ՝ տարբեր հարցեր քննարկելու և ուսումնասիրելու նպատակով»,-«Արմենպրես»-ի հաղորդմամբ՝ ասաց Վան Դեր Գիստը՝ հավելելով, որ ՀՀ Ազգային ժողովը բարելավել և սերտացրել է հարաբերությունները քաղաքացիական հասարակության հետ:
Խոսելով ԵՄ Մուտքի արտոնագրերի դյուրացման համաձայնագրի ստորագրումից՝ Վան Դեր Գիստը շեշտեց դրա կարևորությունը Հայաստանի համար:
«Այս համաձայնագրի ստորագրմամբ Հայաստանի քաղաքացիները լայն հնարավորություններ են ստանում: Քաղաքացիների որոշ խմբի համար՝ լրագրողների, ուսանողների, գիտնականների, բուժման նպատակով մեկնող անձանց համար ներկայացվող փաստաթղթերի ցանկը պարզեցվում է: Բացի այդ' մուտքի արտոնագրերի վճարը նվազել է՝ հասնելով 35 եվրոյի բոլոր քաղաքացիների համար, կրճատվում է նաև բոլոր տեսակի մուտքի արտոնագրերի ուսումնասիրության համար պահանջվող ժամկետը»,- մանրամասնեց Եվրոպական խորհրդատվական խմբի ղեկավարը:
Վան Դեր Գիստն առաջընթաց է տեսնում նաև քաղաքական ինտեգրման առումով:
«Երեք քաղաքական կուսակցություններ միացել են Եվրամիության «ընտանիքին», որը հնարավորություն է տվել մասնակցել Մարսելում և Բուխարեստում կայացած գագաթնաժողովներին: Դրական առաջընթաց է արձանագրվել նաև ազատ առևտրի գոտու ստեղծման համաձայնագրի ստորագրման ուղղությամբ. կայացել է քննարկումների երեք փուլ, քննարկվել են համաձայնագրի տասնհինգ գլուխներ »,-ասաց Եվրոպական խորհրդատվական խմբի ղեկավարը: Նա ակնկալում է, որ այս համաձայնագիրը կստորագրվի 2013թ.-ի վերջին:
Անդրադառնալով ԵՄ Ասոցացման համաձայնագրի ստորագրմանը՝ Վան Դեր Գիստն ընդգծեց, որ այդ փաստաթղթի ստորագրումը բավական երկար ժամանակ է պահանջում, քանի որ ընդգրկում է տարբեր ոլորտներ:
ԵՄ խորհրդատվական խմբի անդամ, Հանրային կառավարման բարեփոխումների գծով խորհրդատու Կարլ Ուլբրիխտի խոսքով' ԵՄ Ասոցացման համաձայնագրի ստորագրման նպատակով պետք է մշակել աշխատանքային պլան և առաջնորդվել դրանով:
«Մենք կլոր սեղան ենք նախաձեռնել, որտեղ քննարկվել է, թե ինչպես ճիշտ կլինի մշակել հակակոռուպցիոն ծրագիրը՝ ընդհանուր, թե առանձին ոլորտների համար»,-ասաց Ուլբրիխտն՝ ընդգծելով, որ արդարադատության ոլորտի համար մշակված ռազմավարությունը դիտվում է որպես հաջող օրինակ: Իսկ դա, ըստ նրա ենթադրում է, որ հակակոռուպցիոն ծրագիրը պետք է դիտարկել ըստ առանձին ոլորտների:
Աղբյուրը՝ armenpress.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться