Հայաստանի մարզերում հոկտեմբերին 0,5%-ով թանկացել են մասնավոր տների գները

Հայաստանի մարզերում մասնավոր տների միջին շուկայական գները 2012 թվականի հոկտեմբերին, սեպտեմբերի համեմատ, բարձրացել են 0.5 տոկոսով։ Այս մասին ասվում է Հայաստանի անշարժ գույքի պետական կադաստրի՝ «ԱՌԿԱ» գործակալությանը տրամադրած հաշվետվության մեջ։

Միաժամանակ նշվում է, որ 2012 թվականի հոկտեմբերին երկրում իրականացվել է մասնավոր տների առքուվաճառքի 512 գործարք, որոնցից 159–ը' Երևանում։

Կոմիտեի տվյալներով, մասնավոր տների ամենացածր գները 2012 թվականի սեպտեմբերին գրանցվել են Դաստակերտում (Սյունիք)' մեկ քառակուսի մետրի դիմաց 11.6 հազար դրամ և Թումանյանում (Լոռի) ' 1 ք.մ–ի դիմաց 12 հազար դրամ։

Հաշվետու ժամանակահատվածում ամենաբարձր գները գրանցվել են Ծաղկաձոր քաղաքում' մեկ քառակուսի մետրի դիմաց 305 հազար դրամ ($1 – 405,52 դրամ)։

Աղբյուրը՝ arka.am