«Չարբախ» երկաթուղային կայարանից մինչև Երևանի «Զվարթնոց» միջազգային օդանավակայան գնացող ճյուղի կառուցման նախագծի տեխնիկա-տնտեսական հիմնավորումը (ՏՏՀ) կմշակվի երկու ամսվա ընթացքում, ուրբաթ լրագրողներին հայտնեց «Հարավկովկասյան երկաթուղի» ՓԲԸ–ի գլխավոր տնօրեն Վիկտոր Ռեբեցը։
«Մենք օդանավակայանի հետ փոխգործակցությամբ աշխատում ենք ՏՏՀ–ի մշակման իրականացնողի ընտրության ուղղությամբ, և մոտավորապես երկու ամսից կստանանք մեզ հետաքրքրող հարցերի պատասխանը։ Դեռ մեզ բավական դժվար է ասել' որքանով է այդ նախագիծը տնտեսապես նպատակահարմար մեզ' որպես ներդրողի համար»,– ասաց նա։
Ըստ Ռեբեցի' արդեն աշխատանքային փաստաթղթեր են մշակվել, ինչը հստակ որոշում է տեղանքի երկարությունը, դրա արժեքը։
«Կառուցել կարելի է, սակայն եթե խոսենք բիզնեսի մասին, պետք է պատասխանել այն հարցին, թե ո՞րը կլինի արդյունքը ներդրողների համար և ո՞վ է շահագրգռված կառուցման հարցում։ Մենք պատրաստ ենք մեզ տեսնել որպես նախագծի մասնակից, սակայն պետք է որոշել այդ նախագծի վերադարձելիությունը, բեռնատար բազան և այդ ուղղությամբ ուղևորների փոխադրումների ծավալները»,– նշեց նա։
ՀԿԵ գլխավոր տնօրենը նշեց, որ ընդհանուր առմամբ ընկերությունը շահագրգռված է նախագծին մասնակցության հարցում, քանի որ օդանավակայանի շրջանը Ազատ տնտեսական գոտի է, ինչը արտադրական տարածքների ձևավորման համար ներդրողներ ներգրավելու գործոն է։
«Այն ձեռնարկությունները, որոնք ստեղծվելու են այնտեղ, բեռնատար բազայի գեներատորներ կլինեն, այդ թվում' երկաթուղային տրանսպորտով փոխադրումների համար։ Նրանք նաև բեռների որևէ նոմենկլատուրայի սպառողը կլինեն»,– ընդգծեց նա։
Ռեբեցը տեղեկացրեց նաև, որ տվյալ պահին ՀԿԵ–ն բանակցություններ է վարում օդանավակայանի ղեկավարության, տրանսպորտի նախարարության հետ' փորձելով գնահատել բեռնափոխադրումների ծավալները և նախագծի իրականացման տնտեսական նպատակահարմարությունը։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться