Lydian International բրիտանական ընկերության «դուստրը»` Lydian Armenia–ն, «Ամերիաբանկ» ՓԲԸ-ի հետ կնքել է 24 միլիոն ԱՄՆ դոլարի գրավով ապահովված վարկային պայմանագիր Ամուլսարի ծրագրում ներդնելու համար, հաղորդում է ընկերության մամուլի ծառայությունը։
Հաղորդագրության համաձայն, վարկը կօգտագործվի Ամուլսարի ծրագրի համար սարքավորումների ձեռքբերման նպատակով:
Ամուլսարում շինարարությունը սկսվել է այս տարի, ոսկու արդյունահանումը ակնկալվում է սկսել 2018 թ. առաջին եռամսյակում:
«Ուրախ ենք Ամուլսարի ծրագրի ֆինանսավորման այս հատվածն Ամերիաբանկի հետ իրականացնելու համար: Լիդիանն այժմ իրականացնում է 50 միլիոն ԱՄՆ դոլարի ֆինանսավորման հատվածը, որի արդյունքում ծրագրի ընդհանուր ֆինանսավորումը կհասնի 420 մլն ԱՄՆ դոլարի», – ասել է Lydian International–ի նախագահ, գլխավոր գործադիր տնօրեն Հովարդ Սթիվենսոնը։
Նրա խոսքով, Ամերիաբակը Հայաստանի խոշորագույն բանկն է, և այն կլինի երկրում ամենակարևոր գործընկեներից մեկը։
Ամերիաբանկի Կորպորատիվ հաճախորդների գծով տնօրեն Գագիկ Սահակյանն իր հերթին հույս է հայտնել, որ բանկն ակնկալում է երկարատև և արդյունավետ համագործակցություն Lydian–ի թիմի հետ։
«Ամերիաբանկն ուրախ է աջակցելու Հայաստանում հանքարդյունաբերության ոլորտի այս խոստումնալից ծրագրին, որը երկրի հանքարդյունաբերության և տնտեսության համար զգալի խթանիչ գործոն է դառնալու», – նշել է նա։
Ամերիաբանկի կողմից վարկը տրամադրվելու է մի քանի տրանշով, առաջին 10 միլիոն ԱՄՆ դոլարի տրանշն ակնկալվում է ստանալ արդեն 2016 թ. դեկտեմբերին:
Lydian–ի ֆինանսական խորհրդատուի դերում հանդես է գալիս Endeavour Financial ընկերությունը։
Ամուլսարի ծրագիրն առաջին հանքարդյունաբերական նախագիծն է Հայաստանում, որի շրջանակում, Միջազգային ֆինանսական կորպորացիայի և Վերակառուցման և զարգացման եվրոպական բանկի չափորոշիչներին համաձայն, իրականացվել է բնապահպանական և սոցիալական ազդեցության գնահատաում։
Այս ծրագիրը Հայաստանում իրականացվող խոշորագույն միջազգային ներդրումային ծրագրերից է։ Շինարարության առավել ակտիվ փուլում ներգրավված կլինի 1300 մարդ։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться