Հայաստանում էլեկտրաէներգիայի սակագինը բարձրացվում կամ իջեցվում է տվյալ տարվա գործոնները հաշվի առնելով: Այս մասին Հանրային ծառայությունները կարգավորող հանձնաժողովի նիստից հետո լրագրողների հետ զրույցում ասաց հանձնաժողովի աշխատակազմի սակագնային քաղաքականության վարչության պետ Գարեգին Բաղրամյանը:
«Անցած տարվա գործոնները բերում էին 6.93 դրամ բարձրացման անհրաժեշտության, այդ թվում ասեցինք, որ այնտեղ կար մոտ 5 դրամ միանվագ բարձրացման խնդիր դրված Հայաստանի էլեկտրական ցանցերի գոյացած վնասի փոխհատուցման, ընկերության առողջացման խնդիրը: Այդ միանվագ ծախսն այս տարի միանշանակ դուրս է եկել: Այլ գործոններով էլ պայմանավորված որոշ ընկերություններում խնդիրներ են առաջացել իրենց անհրաժեշտ ծախսերի ավելացման»,- ասաց Գարեգին Բաղրամյանն ու մանրամասնեց, թե ինչու հնարավոր չեղավ էլեկտրաէներգիայի սակագինը 2.5 դրամից ավելի շատ էժանացնել:
«Մենակ ամենամեծ գործոնն ասեմ՝ ատոմակայանը անցած տարվա հաշվարկով 2.4 միլիարդ ժամ էր տալիս, հիմա տալիս է 250 միլիոն կիլովատ ժամով ավելի ցածր, քանի որ կանգնելու է իր 10 տարվա երկարաձգման աշխատանքների համար: 2 ամիս կկանգնի աշնանը, երկու ամիս էլ գարնանը, բայց դա կընկնի այս սակագնային տարվա մեջ»,- ասաց սակագնային քաղաքականության վարչության պետը՝ նշելով, որ ատոմակայանի փոխարեն այլ էլեկտրաէներգիա արտատողներից պետք է ՀԷՑ-ը հոսանք գնի, որն ավելի թանկ է եւ բացասական հետեւանք է ունենալու:
armtimes.com
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться