Հայաստանի ներդրումային ընկերությունների ակտիվները 3–րդ եռամսյակում, նախորդ եռամսյակի համեմատ, աճել են 1%–ով' մինչև 22,9 մլրդ դրամ։
Ինչպես ասվում է 2012 թվականի երկրորդ եռամսյակի «Հայաստանի Կենտրոնական բանկի բանբերում», ներդրումային ընկերությունների ընդհանուր կապիտալը կազմել է 3,7 մլրդ դրամ' առաջին եռամսյակի համեմատ աճելով 16,1 տոկոսով։
Ինչպես նշվում է հաղորդման մեջ, Հայաստանի արժեթղթերի շուկայում արժեթղթերի առքուվաճառքի գործարքների ծավալը երրորդ եռամսյակում, երկրորդի համեմատ, աճել է 7,5 տոկոսով' կազմելով 152,4 մլրդ դրամ։
Միաժամանակ կորպորատիվ պարտատոմսերով գործարքների ծավալը երրորդ եռամսյակում կրճատվել է 3 տոկոսով' հասնելով 52 մլրդ դրամի, իսկ բաժնետոմսերի առքուվաճառքի գործարքների ծավալը կրճատվել է 30,1 տոկոսով' կազմելով 2 մլրդ դրամ։
Պետական պարտատոմսերով գործարքները երրորդ եռամսյակի ընթացքում ավելացել են 15,5 տոկոսով' կազմելով 98,3 մլրդ դրամ։
Հաղորդագրության համաձայն, Հայաստանի արժեթղթերի գործարքների ընդհանուր ծավալում չորրորդ եռամսյակի արդյունքներով շրջանառության առավելագույն մասնաբաժինը բաժին է ընկել պետական պարտատոմսերին' արժեթղթերի ամբողջ շրջանառության 64,5 տոկոսը։ Կորպորատիվ արժեթղթերով գործարքների մասնաբաժինը կազմել է ընդհանուր ծավալի 34,1 տոկոսը, իսկ բաժնետոմսերինը' 1,3 տոկոս։
Սեպտեմբերի 30–ի դրությամբ Հայաստանի արժեթղթերի շուկայում գործել է ներդրումային ծառայություններ մատուցող 21 բանկ և 9 ներդրումային ընկերություն։ ($1 – 406,60 դրամ է):
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться