Հայաստանում բեռնափոխադրումների ծավալը 2012թ.-ի հունվար-հոկտեմբերին աճել է 3,1%–ով՝ ԱՊՀ երկրների 6,2% միջին աճի դեպքում

Բեռնափոխադրումների ծավալը Հայաստանում (առանց խողովակաշարային տրանսպորտի) 2012 թվականի հունվար-հոկտեմբերին՝ 2011 թվականի նույն ժամանակահատվածի համեմատ աճել է 3,1 տոկոսով՝ ԱՊՀ երկրներում գրանցված 6,2 տոկոսի դեպքում, ասվում է ԱՊՀ երկրների Վիճակագրական կոմիտեի կայքում:

2012 թվականի հունվար-հոկտեմբերին 2011 թվականի նույն ժամանակահատվածի համեմատ բեռնափոխադրումների ծավալների աճ է գրանցվել Ղազախստանում 13,5 տոկոս, Թուրքմենստանում, ներառյալ' խողովակաշարային տեղափոխումը)՝ 8,3 տոկոս, Ադրբեջանում՝ 6,6 տոկոս, Ղրղըզստանում 6 տոկոս, Ուզբեկստանում, ներառյալ' խողովակաշարային տեղափոխումը)՝5,1 տոկոս, Տաջիկստանում՝ 4,8 տոկոս: Այնուհետև Հայաստանն է՝ 3,1 տոկոսով և Ռուսաստանը՝ 2,5 տոկոս:

Միաժամանակ, ԱՊՀ երկրների թվում բեռնափոխադրումների ոլորտում անկում է գրանցվել Մոլդովայում, Բելառուսում և Ուկրաինայում, համապատասխանաբար, 2,5 տոկոս, 2,2 տոկոս և 0,6 տոկոս:

Աղբյուրը՝ arka.am