Եվ այսպես, ընդամենը երկու տարվա ընթացքում Հայաստանում բնակչության համար էլեկտրաէներգիան թանկացել է 1.6 անգամ: Ցերեկային սակագինն աճել է 62.6%-ով, գիշերայինը՝ 55.1%-ով: Եվ հիմա սպառողները ստիպված կլինեն նոր սակագին վճարել:
Հայտնի է, որ Հայաստանի Հանրային ծառայությունները կարգավորող հանձնաժողովը հունիսի 17-ին հաստատել է էլեկտրաէներգիայի նոր սակագինը՝ երկնիշ աճով: Ցերեկային սակագինն աճել է 16.6%-ով, գիշերայինը՝ 21.8%-ով: Բացարձակ արտահայտությամբ երկու սակագինն էլ ավելացել են նույն մեծությամբ. 1կՎտ/ժ-ը՝ 6.93 դրամով:
Իհարկե, մենաշնորհայնատիրոջ՝ «Հայաստանի Էլեկտրական ցանցեր» (ՀԷՑ) ընկերության հայտում այլ թվեր էին. 1կՎտ/ժ-ի դիմաց՝ 17 դրամ: Սակայն բազմաթիվ անկախ փորձագետներ, ինչպես նաեւ շարքային քաղաքացիները, չէին կասկածում, որ հայտում ակնհայտորեն բարձր թիվ է ներկայացվել՝ հետագայում Հանձնաժողովին այն «շտկելու» հնարավորություն տալու համար: Սակայն այդքանով կարգավորող մարմնի եւ մոնոպոլիստի միջեւ «անզիջում պայքարը» չավարտվեց:
Պարզվում է՝ ընկերության ղեկավարությունը՝ գլխավոր տնօրեն Եվգենի Բիբինի գլխավորությամբ, «դժգոհ է» Հանձնաժողովի որոշումից: Եվ նույնիսկ սպառնում է հեռանալ Հայաստանից: Այն Հայաստանից, որը երեք տարի առաջ ՀԷՑ-ը ճանաչեց «հանրային ծառայությունների ոլորտի լավագույն ընկերություն»:
Հիշեցնենք, որ այս «Ազգային մրցանակը» շնորհվեց Հայաստանի բնակչության շրջանում ընտրովի հարցման արդյունքներով, որն անցկացրել էր հայտնի «Սոցիոմետր» սոցիոլոգիական կենտրոնը: Հետաքրքիր մանրուք. հաղթողի մասին բազմաթիվ գովեստների շարքում նշվեց, որ ՀԷՑ-ի գործունեությունը, իբր, կարող է օրինակ ծառայել ոչ միայն Հայաստանում, այլեւ հաղթողի հայրենիքում, այսինքն՝ Ռուսաստանում գործող ընկերությունների համար:
Բայց մեր հյուսիսային հարեւանի մոտ գոյություն ունի սակագնային համակարգ, որն էականորեն տարբերվում է Հայաստանում կիրառվողից: Չնայած այնտեղ գործունեություն է ծավալում նույն ՌԱՕ «ԵԷՍ Ռոսիա»-ն, որի դուստր ձեռնարկությունն է ՀԷՑ-ի սեփականատեր «Ինտեր ՌԱՕ ԵԷՍ»-ը:
Սմբատ Գրիգորյան
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться