Գյուղատնտեսական տոնավաճառները իրենց աշխատանքները կսկսեն Երևանում հունիսի 6-ից, չորեքշաբթի կառավարության նիստում ասաց ՀՀ գյուղատնտեսության նախարար Սերգո Կարապետյանը։
«Շաբաթ օրվանից սկսած` մենք սկսելու ենք գյուղատնտեսական տոնավաճառների աշխատանքները։ Քաղաքապետարանի հետ պայմանավորվածություն ունենք, և տոնավաճառները կանցկացվեն այն նույն տեղում, որտեղ անցկացվում են 5 տարի շարունակ։ Շաբաթ օրը տոնավաճառ կբացվի Կասյան և Կոմիտաս փողոցների հատման տարածքում», – ասաց Կարապետյանը։
Նրա խոսքով` մոտակա 20-25 օրերին նմանատիպ տոնավաճառ կկազմակերպվի Մաշտոցի փողոցում, նախկին փակ շուկայի մոտակայքում, իսկ անհրաժեշտության դեպքում կբացվի նաև երրորդ տոնավաճառը։
Ամեն շաբաթ և կիրակի օրերին գործող տոնավաճառում ներկայացված կլինեն Հայաստանի տարբեր մարզերի գյուղացիների արտադրանքը։ Գյուղացիական տնտեսությունների մասնակցությունն անվճար է։ Գյուղատնտեսության նախարարությունը վաճառողներին անհատույց կտրամադրի տաղավարներ, սեղաններ, կշեռքներ և սայլակներ։
arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться