ՀՀ վարչապետ Տիգրան Սարգսյանը չորեքշաբթի ընդունել է Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոյի գլխավորած պատվիրակությանը: Կողմերը քննարկել են Հայաստանի և Եվրասիական տնտեսական հանձնաժողովի միջև համագործակցության հեռանկարներն ու ուղղությունները, չորեքշաբթի «ԱՌԿԱ» գործակալությանը հաղորդեցին կառավարության մամուլի ծառայությունից:
Հաղորդագրության համաձայն' զրուցակիցներն անդրադարձել են տարածաշրջանային ինտեգրացիոն գործընթացներին, այդ թվում Մաքսային միությանը:
Վիկտոր Խրիստենկոն ՀՀ կառավարության ղեկավարին է ներկայացրել Մաքսային միության շրջանակում տեղի ունեցող գործընթացները, ձեռքբերումներն ու արդյունքները, ինչպես նաև իրավապայմանագրային դաշտը:
Տիգրան Սարգսյանն անդրադառնալով Հայաստանի եվրաինտեգրման գործընթացներին նշել է, որ այժմ հաջողությամբ ընթացքի մեջ են Խորը և համապարփակ ազատ առևտրի գոտու ստեղծման բանակցությունները, որոնք մեր երկիրը նախատեսում է ավարտին հասցնել 2013 թվականին:
Վարչապետն ընդգծել է, որ Հայաստանը շահագրգռված է ինտեգրացիոն գործընթացներով և դրանք դիտարկում է միմյանց փոխլրացնելու տեսանկյունից:
Եվրասիական տնեսական հանձնաժողովը (ԵՏՀ) Մաքսային միության (ՄՄ) և Միասնական տնտեսական տարածքի (ՄՏՏ) մշտապես գործող վերազգային կարգավորող մարմին է: Հանձնաժողովի հիմնական խնդիրն է ՄՄ-ի և ՄՏՏ-ի գործողության և զարգացման պայմանների ապահովումը, և այդ միավորումների շրջանակներում ինտեգրման ոլորտում առաջարկների մշակումը:
ԵՏՀ-ն գործում է 2011թ.-ի նոյեմբերի 18-ի «Եվրասիական տնտեսական հանձնաժողովի մասին» և «Եվրասիական տնտեսական հանձնաժողովի աշխատանքի կանոնակարգի մասին» պայմանագրերի հիման վրա:
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться