Անշարժ գույքի հայկական շուկան 2014 թ.–ին աճել է կայունության միտում է դրսևորում, փետրվարի 23-ին լրագրողներին ասաց Հայաստանի անշարժ գույքի կադաստրի պետական կոմիտեի համակարգված մոնիտորինգի բաժնի պետ Արմինե Դավիդյանը։ Նրա խոսքերով' անշարժ գույքի գործարքների թիվը 2014 թ.–ին, նախորդ տարվա համեմատ, ավելացել է 12,3 տոկոսով և գերազանցել է 214 հազարը։
Նա նաև նշեց, որ գործարքների հիմնական մասը (33 տոկոս) իրականացվել է Երևանում, հաջորդն ակտիվությամբ Կոտայքի մարզն է' գործարքնի ընդհանուր թվի 13 տոկոսը և Արմավիրի մարզը' 10 տոկոս։
Նրա խոսքերով' ավելացել է անշարժ գույքի օտարման գործարքների թիվը' 2014 թ.–ի արդյունքում 53 հազար գործարք, որի հիմնական մասը' մոտ 75 տոկոսը, բաժին է հասել անշարժ գույքի առուվաճառքի գործարքներին, ինչը 7,3 տոկոսով ավել է 2013 թ.–ի ցուցանիշից, իսկ մնացած բաժին է հասել է նվիրատվությունների և փոխանակումների գործարքներին։
«Հայաստանի անշարժ գույքի շուկայում տիրող իրավիճակը կայունության միտում է դրսևորում և պահպանում, ինչը հաջողվել է ապահովել մի շարք ծրագրերի հաշվին, մասնավորապես' ներդրումային և շինարարական նախագծերի, պետական կադաստրում փաստաթղթերի ձևակերպման դյուրացման, երիտասարդ ընտանիքների պետական աջակցության ծրագրերի իրականացման հաշվին, ինչը թույլ է տալիս կայունություն պահպանել անշարժ գույքի շուկայում», – ասաց Դավիդյանը։
Նա նաև նշեց, որ արտաքին գործոնները 2014 թ.–ին առանձնապես չազդեցին Հայաստանի անշարժ գույքի շուկայի վրա, մասնավորապես' Հայաստանի սիրիահայերի միգրացիայի կապակցությամբ շուկայի ակտիվացման և Ուկրաինայում տիրող իրավիճակի կապակցությամբ սպասումները չհանգեցրեցին լուրջ փոփոխությունների և օտարերկրկյա քաղաքացիների կողմից անշարժ գույքի ձեռքբերման ակտիվացման։
«Ակցեռն» կոնցեռնի նախագահ Հակոբ Բաղդասարյանն իր հերթին նշեց, որ անշարժ գույքի շուկայի իրավիճակը կայուն ծանր է, և փոփոխությունների համար հարկավոր է ապահովել տնտեսության աճի երկնիշ ցուցանիշները, ակտիվացնել ֆինանսական հատվածը, ապահովել հիփոթեքային վարկավորման բանկային պայմաններ, ինչպես նաև դյուրացնել նորակառույցների ձևակերպամն ընթացակարգերը։
Նա նաև նշեց, որ որոշակի պասիվությոն է նկատվում ոչ միայն մասնավոր անշարժ գույքի շուկայում, այլ նաև հասարակական նշանակության ունեցվածքի (գրասենյակների համար նախատեսված կորպորատիվ տարածքներ) վարձակալման հատվածում, որտեղ նկատվում է ակտիվության անկում և պայմանագրերի գործողության ժամկետների կրճատում։
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться