2014թ. Հայաստանը զգալիորեն մեծացրել է դեպի Չինաստան պղնձի խտանյութի արտահանումը։ Այս մասին վկայում է ՀՀ Ֆինանսների նախարարության Մաքսային ծառայության հրապարակած՝ 2014թ. Հայաստանի արտաքին առեւտրի վիճակագրությունը։
Պղնձի խտանյութը Հայաստանից արտահանվող ապրանքների ցուցակում ունի ամենխոշոր մասնաբաժինը։ 2014թ. արտահանվել է 235.9 մլն դոլար արժողությամբ 185.1 հազար տոննա պղնձի խտանյութ։ Պղնձի գների անկումը փոխհատուցելու համար, լեռնահանքային ընկերությունները մեծացրել են արտահանման ծավալները մոտ 7 տոկոսով, սակայն գումարային առումով արտահանման ծավալները նվազել են 16 տոկոսով։
Նշենք, որ 2013թ մարտից պղնձի համաշխարհային գները սկսել են նվազել։ Եթե այն ժամանակ պղնձի մեկ տոննան արժեր շուրջ 8 150 դոլար, ապա 2014թ. վերջին՝ շուրջ 6 390 դոլար։
Եթե 2013թ. Չինաստան էր արտահանվել 43.8 հազար տոննա պղնձի խտանյութ, ապա 2014թ. այդ թիվը կազմել է 107.8 հազար տոննա կամ ընդհանուր ցուցանիշի 58 տոկոսը։ Զուգահեռաբար նվազել է դեպի Բուլղարիա արտահանման ծավալները՝ 105 հազար տոննայից հասնելով 64.7 հազարի (35 տոկոս)։
Նախկինում Հայաստանից արտահանվող պղնձի խտանյութի վերաձուլման վայրը Բուլղարիան էր, որտեղ գտնվում է գերմանական «Aurubis» մետաղագործական կոնցեռնի գործարանը։ Չինաստանի մասնաբաժինը 4-5 տարի առաջ համեմատաբար քիչ էր (20 տոկոս), սակայն վերջին տարիներին այն սկսել է աճել։
2014թ. դադարեցվել է պղնձի խտանյութի արտահանումը Շվեյցարիա եւ Իսպանիա եւ մի փոքր ակտիվացել է դրա արտահանումը Սերբիա, որտեղ գարնանը բացվել էր տարածաշրջանում խոշոր «Բոր» լեռնամետաղագործական համալիրը։
Նշենք, որ Չինաստանը ակտիվորեն պղնձի խտանյութ է գնում աշխարհի բոլոր երկրներից։ Ինչպես գրում է ScrapRegister կայքը, վկայակոչելով ՉԺՀ 2014թ. վիճակագրական տվյալները, պղնձի խտանյութի ներկրումը երկրում աճել է 17.75 տոկոսով՝ կազմելով 11.87 մլն տոննա։
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться