Հայկական շուկան հագեցած է տեղական արտադրության արտադրանքով, փետրվարի 13-ին լրագրողներին ասաց Հայաստանի սպառողների ազգային ակադեմիայի ղեկավարի տեղակալ Ռուբեն Հայթյանը։
Նրա խոսքերով' Հայաստանում արտադրվում է շուկայում իրացվող հացաբուլկեղենի գրեթե 100 տոկոսը, կաթնամթերքի 95 տոկոսը (չնայած այս արտադրանքի 40 տոկոսը պատրաստվում է ներկրվող չոր կաթի հիման վրա), մսամթերքի 90–95 տոկոսը, հրուշակեղենի 70–75 տոկոսը, հյութերի 45–50 տոկոսը, թռչնամթերքի 60–65 տոկոսը, ձվի 90–100 տոկոսը, գինու և շամպայնի մոտ 100 տոկոսը, օղու մոտ 40–50 տոկոսը։
«Շուկայի ընդհանուր վիճակի մասին կարող եմ ասել, որ առաջին անհրաժեշտության սննդամթերքի պակաս չկա։ Պիտանելիության ժամկետի հետ կապված ևս խնդիր չկա, մասնավորապես' կաթնամթերքի և տեղական արտադրության կիսաֆաբրիկատների հարցում, որոնք 3–5 օր պիտանելիության ժամկետ ունեն», – ասաց Հայթյանը։
Փորձագետը նաև ավելացրեց, որ Հայաստանի սպառողների ազգային ակադեմիայի մոնիտորինգի տվյալների համաձայն' այս պահին սննդամթերքի գների աճ չի նկատվում։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться