Հայաստանում 2014թ.–ին շուրջ 3 հազար տոննա ընկույզ է արտադրվել' 2013թ.–ին արտադրված 4.8 հազարի դիմաց, ասաց Հայաստանի գյուղատնտեսության նախարարի տեղակալ Սամվել Գալստյանը։
«Մարտի 30–ի և ապրիլի 1–ի սառնամանիքները լուրջ վնաս են հասցրել Հայաստանի գրեթե բոլոր մարզերին։ Հատկապես տուժել է ծիրանի և ընկույզի բերքը»,– ասաց Գալստյանը։
Ըստ նրա, այս տարի աղքատ էր նաև ծիրանի բերքը։ Այսպես, եթե 2013 թվականին Հայաստանում արտադրվել էր 88.8 հազար տոննա ծիրան, ապա 2014 թվականին արտադրվել է միայն 14925 տոննա։
«Գյուղատնտեսությունը միշտ լի է անակնկալներով։ Եվ այս տարին բացառություն չէր։ Հատկապես տուժել են Շիրակի և Լոռու մարզերը։ Շիրակի մարզի 37 համայնքներից 15–ում վնասվել են հացահատիկը, բանջարեղենը և կարտոֆիլը»,– ասաց Գալստյանը։
Մարտի 30–ին տեղացած առատ ձյան, ուժեղ քամու և կտրուկ ցրտահարության հետևանքով Հայաստանի գյուղատնտեսության լուրջ վնաս է հասցվել, մասնավորապես, տուժել է ծիրանի բերքի 80-90 տոկոսը։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться