Հայաստանի պետական բյուջեն 2014 թվականի հունվար–օգոստոսին կատարվել է 31.3 մլրդ դրամ հավելուրդով, հայտնում է Հայաստանի ֆինանսների նախարարության մամուլի ծառայությունը։
«Հայաստանի պետբյուջեն 8 ամիսների ընթացքում կատարվել է 31.3 մլրդ հավելուրդով 30.6 մլրդ դրամի նախատեսված պակասուրդի դիմաց»,– նշվում է հաղորդագրության մեջ։
ՀՀ պետական բյուջեի եկամուտները 2014 թվականի հունվար-օգոստոս ամիսներին կազմել են 726.7 մլրդ դրամ' նախորդ տարվա նույն ժամանակահատվածի համեմատ ավելանալով 4.4 տոկոսով կամ 30.4 մլրդ դրամով' ապահովելով ՀՀ կառավարության իննամսյա ծրագրի կատարումը 85.3%-ով։
ՀՀ պետական բյուջեի եկամուտների 94.2%-ը ձևավորվել է հարկային եկամուտների և պետական տուրքերի, 5.6%-ը' այլ եկամուտների, 0.2%-ը' պաշտոնական դրամաշնորհների հաշվին:
2014 թվականի հունվար-օգոստոս ամիսներին ՀՀ պետական բյուջե են մուտքագրվել շուրջ 684.7 մլրդ դրամ հարկային եկամուտներ և պետական տուրքեր, որոնք կազմել են իննամսյա ծրագրի 85.3%-ը: 2013 թվականի նույն ժամանակահատվածի համեմատ նշված եկամուտներն աճել են 4.2%-ով կամ 27.7 մլրդ դրամով:
Ծախսերը հաշվետու ժամանակահատվածում կազմել են 695.4 մլրդ դրամ, ինչը 9.7 տոկոսով կամ 61.4 մլրդ դրամով ավելի է նախորդ տարվա ցուցանիշից' ապահովելով բյուջեի կատարումը 78.8%-ով։
Ինն ամսվա ծրագրով նախատեսվել է պակասուրդի ներքին աղբյուրներում ձևավորված ազատ միջոցներից շուրջ 114.8 մլրդ դրամի օգտագործում, որից հունվար-օգոստոս ամիսներին օգտագործվել է 53.3 մլրդ դրամը:
Հայաստանի ԱԺ–ն 2014 թվականի պետբյուջեն ընդունել է նախորդ տարվա դեկտեմբերի 12–ին։ Հայաստանի' 2014 թվականի կոնսոլիդացված պետբյուջեի եկամուտները ծրագրվում են 1 տրլն 135 մլրդ դրամի չափով, ծախսերը' 1 տրլն 245 մլրդ դրամի չափով։ Բյուջեի պակասուրդը կկազմի 110 մլրդ դրամ կամ ՀՆԱ–ի 2.3 տոկոսը, ընթացիկ հաշվեկշռի պակասուրդը' 8.6 տոկոս։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться