Հայաստանը 2015 թ.-ին կարող է Ռուսաստան արտահանել 100-120 հազար տոննա գյուղատնտեսական արտադրանք՝ ընթացիկ տարում գրանցված մոտ 64-65 հազար տոննայի դիմաց, հայտարարեց Հայրենական ապրանքարտադրողների միության նախագահ Վազգեն Սաֆարյանը:
«Հայաստանը պետք է որոշիչ միջոցներ ձեռնարկի արտահանման այս մակարդակին դուրս գալու և իրավիճակից ամբողջությամբ օգտվելու համար, որը ստեղծվել է որոշ երկրներից գյուղատնտեսական արտադրանքի և հումքի ներկրման արգելքի կապակցությամբ», - ասաց Սաֆարյանը սեպտեմբերի 2-ի մամուլի ասուլիսի ժամանակ:
ՌԴ նախագահ Վլադիմիր Պուտինը օգոստոսի 7-ին արգելել է տարվա ընթացքում Ռուսաստան ներկրել գյուղատնտեսական արտադրանքի, հումքի և պարենի առանձին տեսակներ այն երկրներից, որոնք պատժամիջոցներ են ներդրել Ռուսաստանի նկատմամբ: Նա հանձնարարել է ՌԴ կառավարությանը կազմել այդ սահմանափակումների շրջանակում հայտնված արտադրանքի կոնկրետ ցուցակը, որում հայտնվել են, մասնավորապես, տավարի և խոզի միսը, միրգը, թռչնամիսը, պանիրն ու կաթնամթերքը:
Այդ որոշիչ միջոցների թվում Սաֆարյանը թվարկեց Հայաստանի գյուղատնտեսությունում արվող ներդրումները, մասնավորապես՝ ջերմոցային բիզնեսը, սահմանամերձ գյուղերում ազատ տնտեսական գոտիների ստեղծումը, պետության կողմից գյուղատնտեսական վարկերի սուբսիդավորումը, մեքենա-տրակտորային պարկերի ստեղծումը, արտադրողների համար հարկային բեռի թեթևացումը:
«Հայաստանում հիմա կա 140 հազար անմշակ հողային տարածք: Դրանք արդյունավետ կերպով մշակելու համար հարկավոր է ստեղծել գյուղատնտեսական կոոպերատիվներ», - կարծում է Սաֆարյանը:
Նրա կարծիքով՝ եթե բոլոր միջոցառումներն ամբողջությամբ իրականացվեն, ապա արդեն հաջորդ տարի Հայաստանը կարող է 70-80 մլն դոլարով ավելացնել Ռուսաստան իրականացվող արտահանման ծավալները:
ՀՀ ԱՎԾ-ի տվյալների համաձայն՝ Ռուսաստանի հետ Հայաստանի արտաքին ապրանքաշրջանառության ծավալը 2014 թ.-ի առաջին եռամսյակում կազմել է 596 մլն դոլար՝ նախորդ տարվա նույն ժամանակահատվածի համեմատ նվազելով 0,5 տոկոսով: Հայաստանից Ռուսաստան իրականացվող արտահանումը հունվար-հունիսին կազմել է մոտ 133,9 մլն դոլար՝ նվազելով 6,4 տոկոսի, իսկ ՌԴ-ից Հայաստան իրականացվող ներկրումը կազմել է 462 մլն դոլար՝ ավելանալով 1,4 տոկոսով:
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться