Ֆինանսների նախարար Գագիկ Խաչատրյանը և Համաշխարհային բանկի հայաստանյան գրասենյակի ղեկավար Ժան Միշել Հափին օգոստոսի 6-ին ստորագրել են 122.67 մլն դոլար ընդհանուր գումարի երեք ոլորտների ֆինանսավորման և վարկային համաձայնագրեր։
Մասնավորապես, Հայաստանը և Վերակառուցման և զարգացման միջազգային բանկը ստորագրեցին 50մլն ԱՄՆ դոլար արժողությամբ «Առևտրի խթանման և որակի ենթակառուցվածքի ծրագիր» վարկային համաձայնագիր։ Այդ միջոցները կուղղվեն արտահանման խթանման, ներդրումների ներգրավման կարողությունների և ձեռնարկություններին տրամադրվող որակի կառավարման ծառայությունների հզորացմանը:
Բացի այդ, ՀԲ–ն Հայաստանին կտրամադրի 32,2 մլն դոլարի վարկ' ՀՀ և Վերակառուցման և զարգացման միջազգային բանկի «Համայնքների գյուղատնտեսական ռեսուրսների կառավարման և մրցունակության երկրորդ ծրագրի» շրջանակում։ Միաժամանակ, Վերակառուցման և զարգացման միջազգային բանկը կտրամադրի 23 մլն դոլար վարկ, Միջազգային զարգացման ընկերակցությունը' 9,67 մլն դոլարին համարժեք 6,26 մլն հատուկ փոխառության իրավունքի (SDR) չափով վարկ:
«Ծրագրի նպատակն է արոտավայրերի և անասնապահական համակարգերի արտադրողականության բարելավումն ու շարունակական պահպանումը նպատակային համայնքներում, ինչպես նաև ընտրված անասնապահական և բարձրարժեք ագրոպարենային արժեշղթաների արտադրանքի շուկայահանումն ավելացնելը:
Վերակառուցման և զարգացման միջազգային բանկի հետ ստորագրած «Լրացուցիչ ֆինանսավորում Հայաստանի էլեկտրաէներգիայի մատակարարման հուսալիության ծրագրի համար» վարկային համաձայնագրով ՀՀ-ին կտրամադրի 40 մլն դոլարի չափով վարկ «Էլեկտրամատակարարման հուսալիության ծրագրի» շրջանակում:
Ծրագրի նպատակն է հզորացնել էլեկտրահաղորդման ցանցի կարողություններն ու հուսալիությունը:
Հայաստանին, որը Համաշխարհային բանկի անդամ է 1992 թվականից և IDA–ի անդամ' 1993 թվականից, այդ երկու կառույցներն ընդհանուր առմամբ տրամադրել են մոտ 1 961.73 մլն դոլար։
Աղբյուրը՝ minfin.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться