Հայաստանի գործարար միջավայրի ցուցանիշն 2014 թվականի երկրորդ եռամսյակում, նախորդ եռամսյակի համեմատ, աճել է 1,2 կետով' մինչև 57,1, հայտնեցին Հայաստանի Կենտրոնական բանկի մամուլի ծառայությունից։
Միաժամանակ տվյալ ցուցանիշն աճել է 2013 թվականի նույն ժամանակահատվածի համեմատ 1,9 կետով։
Ըստ նրա' գործարար միջավայրի ցուցանիշի աճը 2014 թվականի երկրորդ եռամսյակում պայմանավորված է դրա բոլոր ագրեգատների բարձրացմամբ, մասնավորապես' արդյունաբերություն, առևտուր և ծառայություններ։
Մասնավորապես, արդյունաբերության ոլորտի ցուցանիշն աճել է 1,3 կետով' կազմելով 58,1, առևտրի ցուցանիշն աճել է 3,4 կետով' մինչև 60,9, ծառայությունների ոլորտի ցուցանիշը' 6,4 կետով' կազմելով 61.9։ Իսկ շինարարության ոլորտի ցուցանիշը նվազել 7,6 կետով' մինչև 45,8։
Գործարար միջավայրի ցուցանիշը հաշվարկվում է կազմակերպությունների' ընդհանուր տնտեսական վիճակի և ռիսկերի փոփոխությունների վերաբերյալ գնահատականների միջինացման միջոցով։
2005 թվականի սկզբից ԿԲ–ն անցկացնում է ոչ ֆինանսական, ֆինանսական կազմակերպությունների և տնային տնտեսությունների եռամսյակային հարցումներ։ Դրանց նպատակն է' գնահատել ներկայիս տնտեսական դրությունը նախորդ ժամանակահատվածի համեմատ, գնահատել հետազոտվող օբյեկտների տնտեսական ակնկալիքները, հաշվարկել և հրապարակել տնտեսական բաղկացուցիչ ինդեքսները հարցումների արդյունքների հիման վրա։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться